ដាក់អាវភ្លៀងតាមខ្លួនផង សប្តាហ៍ក្រោយ ក្រសួងថាអាចមានភ្លៀងធ្លាក់ស្ទើរទូទាំងប្រទេស
- 2017-12-21 07:06:11
- ចំនួនមតិ 0 | ចំនួនចែករំលែក 0
ដាក់អាវភ្លៀងតាមខ្លួនផង សប្តាហ៍ក្រោយ ក្រសួងថាអាចមានភ្លៀងធ្លាក់ស្ទើរទូទាំងប្រទេស
ចន្លោះមិនឃើញ
បន្ទាប់ពីមានសីតុណ្ហភាពចុះត្រជាក់ប៉ុន្មានថ្ងៃមកនេះ ដល់ពេលភ្លៀងធ្លាក់វិញម្តងនៅស្ទើរទូទាំងប្រទេសចាប់ពីសប្តាហ៍ក្រោយទៅ។ នេះបើតាមការជូនដំណឹងរបស់ក្រសួង។
ក្រសួងធនធានទឹក និងឧតុនិយម នៅថ្ងៃនេះប្រកាសឲ្យដឹងថាចាប់ពីថ្ងៃទី២៦ដល់ថ្ងៃទី២៨ ខែធ្នូ ឆ្នាំ២០១៧ នេះនឹងមានភ្លៀងធ្លាក់នៅស្ទើរទូទាំងប្រទេសពីកម្រិតមធ្យម ទៅច្រើន ជាពិសេសតាមបណ្តាខេត្តជាប់ព្រំប្រទល់ប្រទេសវៀតណាម។
ក្រសួងឲ្យដឹងទៀតថាចំណែកនៅតំបន់មាត់សមុទ្រ និងលើផ្ទៃសមុទ្រក៏មានពពកដេរដាស និងមានភ្លៀងធ្លាក់ពីបង្គួរទៅច្រើនផងដែរ។
មូលហេតុដែលនាំឲ្យមានភ្លៀងធ្លាក់នេះក្រសួងបញ្ជាក់ថាមកពីមានវិសម្ពាធទាបមួយនៅលើមហាសមុទ្រប៉ាស៊ីហ្វិកកាលពីថ្ងទី១៩ ខែធ្នូ ឆ្នាំ២០១៧ និងបង្កើតបានជាព្យុះមួយ ដែលព្យុះនេះកំពុងស្ថិតនៅភាគខាងត្បូងប្រទេសហ្វីលីពីននាពេលនេះ៕
អត្ថបទ៖ ទូច សុខា