តើ​អ្នក​ទាំង​អស់​គ្នា ធ្លាប់​បាន​ឃើញ​សំណង់​ផ្ទះ​តូច ធំ នៅ​ជាប់ៗ​គ្នា​ដូច​ជា​រូប​ផ្ទះ​គំរូ (ម៉ាកែត) ​ដែរ​ឬ​ទេ? ទី​កន្លែង​ដ៏​ស្រស់​ស្អាត និង​គួរ​ឲ្យ​ចាប់​អារម្មណ៍​ដែល​អ្នក​ទេសចរ​គ្រប់ៗ​រូប​តែង​តែ​ស្រមៃ​ចង់​ទៅ​នោះ​គឺ Santorini  នៅ​លើ​កោះ​មួយ​ក្នុង​ប្រទេស​ក្រិក។ តែ​ពេល​នេះ មិន​បាច់​ទៅ​ដល់​ក្រិក​ក៏​អាច​រីករាយ​ជាមួយ​ទស្សនីយភាព​ដ៏​ស្រស់​ស្អាត​​​​ដែល​ប្រហាក់​ប្រហែល​នៅ​នឹង​កន្លែង​ដើម​បាន​ដែរ​ នោះ​គឺ «Santorini Park» នៅ​ក្នុង​ស្រុក​ឆៈអាំ ខេត្ត​ផេតឆាបុរី ប្រទេស​ថៃ។

Santorini Park​ មាន​កន្លែង​កម្សាន្ត​ជា​ច្រើន​កន្លែង​សម្រាប់​មនុស្ស​ធំ និង​កូនក្មេង ព្រមទាំង  មាន​ហាង​កាហ្វេ​តូចៗ ហាង​លក់​ទំនិញ​ជា​ច្រើន​កន្លែង​ ទៀត​ផង។ ជាពិសេសគឺកន្លែងស្នាក់នៅប្រកបដោយផាសុកភាពផងដែរ។