សំបកចេក មានប្រយោជន៍អញ្ចឹងផង អត់ដែលដឹង!!
- 2018-01-12 05:30:00
- ចំនួនមតិ 0 | ចំនួនចែករំលែក 0
សំបកចេក មានប្រយោជន៍អញ្ចឹងផង អត់ដែលដឹង!!
ចន្លោះមិនឃើញ
ចូលចិត្តញ៉ាំផ្លែចេកទុំអត់គ្នាយើង? សម្រាប់ផ្លែចេក គឺជាផ្លែឈើដែលមានរសជាតិឆ្ងាញ់ហើយប្រយោជន៍ច្រើនមែនទែន ចំពោះសុខភាពរបស់យើងគ្រប់គ្នាថែមទៀតផង។ មិនត្រឹមតែសាច់ទេដែលមានប្រយោជន៍ច្រើន សូម្បីតែសម្បកវាក៏មានប្រយោជន៍ច្រើនមិនណយដែរ។
ធ្វើឲ្យធ្មេញស
ក្នុងសម្បកចេកមានផ្ទុកជាតិអាស៊ីដ Citric ដែលអាចធ្វើឲ្យស្នាមប្រឡាក់ដែលជាប់នៅលើធ្មេញរលាយបាត់អស់។ លោកអ្នកគ្រាន់តែកាត់យកសម្បកចេកតូចល្មម មកដុសនៅលើធ្មេញ រួចដុសធ្មេញជាមួយថ្នាំដុសធ្មេញតាមធម្មតា។ អនុវត្តបែបនេះត្រឹមតែ១សប្ដាហ៍ប៉ុណ្ណោះអ្នកនឹងឃើញលទ្ធផលជាក់ជាមិនខាន។
ជួយឲ្យបាត់មុន
វិធីទី១៖ លុបមុខឲ្យស្អាតជាមួយនឹងទឹកត្រជាក់ យកសម្បកចេកមកដុសថ្នមៗត្រង់កន្លែងដែលមានមុន រួចលាងមុខជាមួយនឹងទឹកត្រជាក់ដែរ។ ធ្វើបែបនេះឲ្យបានពី៣-៤ដងក្នុងមួយថ្ងៃ។
វិធីទី២៖ រោយម្សៅរមៀតលើសម្បកចេកបន្តិច ដុសថ្នមៗត្រង់កន្លែងដែលមានមុន ទុកចោល១៥នាទី ហើយលាងមុខចេញជាមួយទឹកក្តៅអ៊ុនៗ។ ធ្វើបែបនេះឲ្យបានពី២-៣ដងក្នុងមួយថ្ងៃ។
ជួយកាត់បន្ថយស្នាមជ្រីវជ្រួញលើមុខ
យកសម្បកចេក ដុសលើមុខថ្នមៗ ទុកចោល១៥នាទី ទើបលាងមុខចេញជាមួយទឹកក្តៅអ៊ុនៗ។ ធ្វើបែបនេះរាល់ថ្ងៃទើបបានលទ្ធផល។
ជួយឲ្យបំបាត់ស្នាមជ្រួញ ឬប៉ោងក្រោមភ្នែក
បិតសម្បកចេកនៅក្រោមភ្នែកទាំងសងខាង ទុកចោល១៥នាទី ទើបលាងមុខចេញជាមួយទឹកក្តៅអ៊ុនៗ។
ប្រភព៖ blushybabe.com ប្រែសម្រួល៖ Khou Sophy