វិធីសាស្ត្រងាយៗ ជួយឲ្យស្នាមឆ្កូតនៅលើកញ្ចក់វ៉ែនតាបាត់អស់!!!
- 2018-01-13 10:00:00
- ចំនួនមតិ 0 | ចំនួនចែករំលែក 0
វិធីសាស្ត្រងាយៗ ជួយឲ្យស្នាមឆ្កូតនៅលើកញ្ចក់វ៉ែនតាបាត់អស់!!!
ចន្លោះមិនឃើញ
មានតែអ្នកពាក់វ៉ែនតាទេ ទើបយល់ពីអារម្មណ៍ពេលដែលលើកវ៉ែនតាយកមកពាក់ម្ដងៗ មានអារម្មណ៍ថាអត់ស្រឡះសោះ កញ្ចក់វ៉ែនតាឡើងស្រអាប់ ហើយមានស្នាមឆ្កូតក្រវេមក្រវាមពេញហ្នឹង យកក្រណាត់មកជូតយ៉ាងណាក៏មិនបាត់ដែរយ៉ាប់ចិត្តណាស់ត្រូវអត់? តែពេលនេះ អាចសប្បាយចិត្តវិញបានហើយ ព្រោះថាពីសប្បាយដើរបាននាំយកនូវវិធីសាស្ត្រលុបបំបាត់ស្នាមឆ្កូតឲ្យអស់ចេញពីកញ្ចក់វ៉ែនតារបស់អស់លោកអ្នក តាមបែបងាយៗ និងមិនចាំបាច់ចំណាយលុយកាក់ច្រើន។
១. ម្សៅ Baking soda និងទឹក៖ លាយម្សៅ Baking soda មួយស្លាបព្រាបាយ ជាមួយនឹងទឹកមួយស្លាបព្រាកាហ្វេ កូរឲ្យសព្វ ជូតសម្អាតវ៉ែនតាឲ្យស្អាតល្អ រួចយកល្បាយនោះទៅលាបឲ្យពេញនៅលើកញ្ចក់វ៉ែនតា បន្ទាប់មកលាងជម្រះជាមួយនឹងទឹកធម្មតាចេញវិញ។
២. សាប៊ូកក់សក់កូនក្មេង៖ ចាក់សាប៊ូលើក្រណាត់ទន់ហើយយកទៅដុសលើ កញ្ចក់វ៉ែនតាត្រង់កន្លែងដែលមានស្នាមឆ្កូត។
៣. ទឹកខ្មេះ និងម្សៅ Baking soda៖ ចាក់ទឹកខ្មេះលាយជាមួយនឹងម្សៅ Baking soda រួចយកល្បាយនោះទៅលាបលើកញ្ចក់វ៉ែនតាត្រង់កន្លែងដែលមានស្នាមឆ្កូត រួចលាងទឹកចេញវិញជាការ ស្រេច។
៤. សាប៊ូលាងចាន៖ ចាក់សាប៊ូលាងចានប៉ុន្មានតំណក់លើស្នាមឆ្កូត ដុសតិចៗ នោះស្នាមឆ្កូត និងស្នាមប្រឡាក់ផ្សេងៗ និងបាត់អស់។
៥. សាប៊ូដុំ៖ វិធីនេះងាយស្រួលជាងគេ យកសាប៊ូដុំ និងក្រណាត់ ឬកន្សែងទន់ៗ ទៅដុសលាងលើកញ្ចក់វ៉ែនតាតែម្ដង វាក៏អាចជួយឲ្យបាត់ស្នាមឆ្កូតបានដែរ។
៦. ថ្នាំដុសធ្មេញ៖ ដាក់ថ្នាំដុសធ្មេញទៅលើសំឡី ហើយយកទៅជូតនៅលើកញ្ចក់វ៉ែនតា ទុកចោលមួយស្របក់ រួចលាងជាមួយទឹកធម្មតា។
អត្ថបទ៖ Khou Sophy