មានដែលឆ្ងល់អត់ ! ថាហេតុអ្វីបានជាយន្តហោះតែងតែមានពណ៌សរ?
- 2018-01-14 11:00:00
- ចំនួនមតិ 0 | ចំនួនចែករំលែក 0
មានដែលឆ្ងល់អត់ ! ថាហេតុអ្វីបានជាយន្តហោះតែងតែមានពណ៌សរ?
ចន្លោះមិនឃើញ
នៅពេលដែលអ្នកនៅព្រលានយន្តហោះសម្លឹងមើលទៅយន្តហោះជាច្រើនហោះផុតពីដី នៅពេលដែលអ្នករៀបនឹងឡើងយន្តហោះ តើអ្នកធ្លាប់ចាប់អារម្មណ៍ដែរឬទេថា យន្តហោះជាច្រើននោះ សុទ្ធតែពណ៌សរ? មែនហើយ យន្តហោះខ្លះអាចនឹងមានស្នាមបន្ទាត់ មានអក្សរ ឬក៏ឈ្មោះដែលមានពណ៌ផ្សេង ក៏ប៉ុន្តែពណ៌គោលនៃតួរយន្តហោះនៅតែជាពណ៌សរជានិច្ច។ វាមើលទៅគួរឲ្យចម្លែក ក៏ប៉ុន្តែវាមានមូលហេតុរបស់វាហើយមូលហេតុទាំងនោះគឺ៖ ពណ៌សរផ្តល់អត្ថប្រយោជន៍ក្នុងការជះកំដៅត្រឡប់ទៅវិញព្រះអាទិត្រវិញ ហើយមិនសូវឆាប់ទទួលកម្ដៅ ហើយវាក៏ជួយសម្រួលឲ្យការពិនិត្យមើលស្នាមប្រះឬបែកនៃតួយន្តហោះ។ ហើយម៉្យាងវិញទៀតវាក៏ចំណាយតិចជាងការដែលលាបយន្តហោះពណ៌ផ្សេងដែរ។ សម្រាប់ពណ៌សរគឺមិនងាយហើរពណ៌នោះទេដែលវាធ្វើឲ្យយន្តហោះមើលទៅឃើញថាថ្មីជានិច្ច ។ មូលហេតុមួយទៀតដែលយន្តហោះភាគច្រើនគឺមានពណ៌សរនោះក៏ដោយសារតែយន្តហោះពណ៌សរអាចមានតម្លៃលក់ចេញវិញខ្ពស់ជាងយន្តហោះដែលមានពណ៌ផ្សេងពីសរ។
ប្រភព៖ ScienceABC អត្ថបទ ៖ សោភា