Memoria Palace & Resort រមណីយដ្ឋានអេកូទេសចរណ៍នាខេត្តប៉ៃលិន!!!

2018-01-17 12:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Memoria Palace & Resort គឺជារមណីយដ្ឋានអេកូទេសចរណ៍ស្ថិតនៅជើងភ្នំក្រវាញ នាខេត្តប៉ៃលិននៃប្រទេសកម្ពុជាយើងនេះឯង។ សម្រាប់អ្នកដែលមានបំណងចង់ផ្លាស់ប្ដូរបរិយាកាស មកកម្សាន្តអារម្មណ៍ជាលក្ខណៈបែបធម្មជាតិៗ គឺដឹងតែពេញចិត្តតែម្តង ខ្យល់អាកាសក៏បរិសុទ្ធ ព័ទ្ធជុំវិញទៅដោយរុក្ខជាតិខៀវស្រងាត់ មានភ្នំ ទឹកជ្រោះ រកឯណាបានកន្លែងល្អអ៊ីចឹងនៀក៎!

Memoria Palace & Resort ស្ថាបនាឡើងនៅលើផ្ទៃដី ១៣ហិចតា រួមមានបឹងហ្គាឡូដ៏ស្រស់ស្អាតចំនួន ១៦បន្ទប់ ផ្ទះស្នាក់តាមបែបប្រពៃណីដែលមានដំបូលប្រកស្បូវចំនួន ៣បន្ទប់ អាងហែលទឹកនៅលើភ្នំ ភោជនីយដ្ឋានដែលសំបូរទៅដោយម្ហូបឆ្ងាញ់ៗ និងភេសជ្ជៈជាច្រើនប្រភេទ ព្រមទាំងមានបន្ទប់សម្រាប់រៀបចំកម្មវិធីប្រជុំធំៗ និងកម្មវិធីផ្សេងៗ ផងដែរ។