ហេតុផលដែលអ្នកគួរតែជូតមុខជាមួយទឹកប៉ោម

2018-01-23 07:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទឹកប៉ោមមានអត្ថប្រយោជន៍ចំពោះសុខភាពបើយើងញ៉ាំវា។ ហើយទឹកប៉ោមក៏មានអត្ថប្រយោជន៍ចំពោះស្បែកដែរបើយើងប្រើវាមកជូតសម្អាតផ្ទៃមុខរបស់យើង។ មានមនុស្សជាច្រើនដែលកំពុងជួបប្រទះនឹងបញ្ហាមុខមុន, ជ្រួញ, ស្នាមអុជខ្មៅជាដើមនោះដែលកំពុងស្វះស្វែងរកផលិតផលទាំងថ្លៃទាំងថោកយកមកប្រើ។ តែខ្លះក៏មិនបានលទ្ធផលដូចក្ដីប្រាថ្នា។

សាកល្បងប្រើ Apple Cider Vinegar នេះសិនទៅមុននឹងអស់សង្ឃឹម! ហើយនេះគឺជាហេតុផលទាំង៤ថាហេតុអីអ្នកគួរប្រើវា។

១. ជួយឱ្យស្បែកមុខមើលទៅក្មេងជាងវ័យ

ជូតឬលាងសម្អាតស្បែកមុខជាមួយ ACV នេះជារៀងរាល់ថ្ងៃគឺជាការផ្ដល់ជាតិសំណើមនិងជាតិវីតាមីនទៅចិញ្ចឹមស្បែកមុខជួយឱ្យស្បែកចាស់ប្រែជាក្មេងជាងវ័យ។

២. បំបាត់មុន, ការពារការកើតមុន, បំបាត់ស្នាមអុជខ្មៅ

ACV មានជាតិអាស៊ីដម្យ៉ាងហៅថា Malic Acid ដែលជាហេតុធ្វើឱ្យវាមានឥទ្ធិពលកម្ចាត់និងការពារកុំឱ្យកើតមុន។

៣. រក្សាតុល្យភាព pH នៃស្បែកមុខ

បើសិនជាអ្នកលាងសម្អាតមុខរបស់អ្នកជាមួយ ACV ដែលលាយជាមួយទឹក៣ទៅ៤ដងក្នុងមួយសប្ដាហ៍នោះវានឹងជួយរក្សាកម្រិត pH នៃស្បែកមុខរបស់អ្នក។ សូមបញ្ជាក់ថាដោយសារតែ ACV ជួយរក្សាតុល្យភាពដល់ស្បែកនិងធ្វើឱ្យស្បែកមុខមានសំណើមពេលប្រើ, ស្បែកមុខអាចនឹងមានសភាពឡើងប្រេងបន្តិចហើយ។

៤. កម្ចាត់ជាតិកខ្វក់និងជាតិពុលនៅក្នុងរន្ធញើស

ការលាយ ACV នឹងទឹករួចយកទៅលាងមុខនោះវាជួយសម្អាតរន្ធញើសឱ្យបានស្អាតល្អនិងសម្អាតជាតិពុលនៃស្បែកមុខផងដែរ។

ប្រភព៖ Healthy World Society ប្រែសម្រួល៖ Sin Sovannleakhena