អារម្មណ៍ស្រស់ថ្លា!! ជាមួយនឹងរមណីយដ្ឋានថ្មីបែបធម្មជាតិពិតៗ ស្ថិតនៅលើកោះ!!

2018-02-05 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

«Jungle Kohkood Resort» ជារមណីយដ្ឋានថ្មីបែបធម្មជាតិមួយកន្លែងដែលមានបរិយាកាសស្ងប់ស្ងាត់ ខ្យល់អាកាសបរិសុទ្ធល្អនៅចម្ងាយ ១.៤គីឡូម៉ែត្រ ពីឈូងសមុទ្រ Klong Chao ស្ថិតនៅលើ Kohkood ក្នុងប្រទេសថៃផ្ទាល់តែម្តង។ ក្នុងបរិវេណនៃរមណីយដ្ឋាននេះមានដើមដូងជាច្រើនដើម រួមជាមួយនឹង ផ្ទះបឹងហ្គាឡូស្អាតជាច្រើនកន្លែង សង់ពីឈើ នៅដាច់ៗពីគ្នា មានដាំរុក្ខជាតិលម្អព័ទ្ធជុំវិញ។ សម្រាប់ផ្ទះបឹងហ្គាឡូទាំងនេះ គេចែកជាពីរប្រភេទផ្សេងគ្នា គឺប្រភេទ AនិងB ដែលក្នុងមួយយប់មានតម្លៃចាប់ពី ៤៩ដុល្លារឡើងទៅ។

នៅទីនេះ លោកអ្នកអាចកម្សាន្តជាមួយនឹងសកម្មភាពសប្បាយៗជាច្រើនយ៉ាងដូចជា ការជិះកាណូតទេសចរទេគយគន់ទេសភាពជុំវិញកោះ ចែវទូកកម្សាន្តតាមដងព្រែក មុជទឹកមើលទេសភាពក្រោមបាតសមុទ្រ ជាដើម។ ជាងនេះទៅទៀត លោកអ្នកក៏អាចកម្សាន្តជាមួយនឹងតំបន់ទឹកធ្លាក់បានថែមទៀតផង ដែលមានចម្ងាយមិនឆ្ងាយប៉ុន្មានពីរមណីយដ្ឋានឡើយ។