មិនថាស្លឹក ឬផ្លែទេ ! ត្របែក មានប្រយោជន៍ច្រើនដែលនឹកស្មានមិនដល់...
- 2018-02-07 05:00:00
- ចំនួនមតិ 0 | ចំនួនចែករំលែក 0
មិនថាស្លឹក ឬផ្លែទេ ! ត្របែក មានប្រយោជន៍ច្រើនដែលនឹកស្មានមិនដល់...
ចន្លោះមិនឃើញ
ផ្លែត្របែក! អ្នកណាៗ ក៏ធ្លាប់ដែរត្រូវអត់? ព្រោះថាវាមានរសជាតិ ជូរអែមឆ្ងាញ់ មិនញ៉ាំទទេ ឬក៏ជ្រលក់ជាមួយអំបិលទេ គឺថាឆ្ងាញ់ដូចគ្នា។ សម្រាប់ផ្លែឈើមួយប្រភេទនេះ មិនត្រឹមតែអាចយកមកហូបបានតែប៉ុណ្ណឹងទេ វានៅមានប្រយោជន៍ជាច្រើនយ៉ាងទៀត ដែលយើងមិនបានចាប់អារម្មណ៍ដល់។ មិនមែនត្រឹមតែផ្លែទេ ដែលមានប្រយោជន៍នោះ សូម្បីតែស្លឹករបស់វាក៏ផ្ដល់អត្ថប្រយោជន៍មិនណយដែរ។
អត្ថប្រយោជន៍នៃការញ៉ាំផ្លែត្របែក៖
១. ស្រកទម្ងន់
ផ្លែត្របែកវាមានផ្ទុកទៅដោយជាតិប្រូតេអ៊ីន និងវីតាមីន គ្មានជាតិcholesterol និងមានបរិមាណcarbohydrates តិចតួច វាជួយធ្វើឲ្យយើងមានអារម្មណ៍ថាអត់សូវឃ្លាន បន្ទាប់ពីញ៉ាំផ្លែត្របែករួច។
២. ជំនួយភ្នែក
សារធាតុវីតាមីនA ដែលមាននៅក្នុងផ្លែត្របែក ធ្វើឲ្យកែវភ្នែករបស់យើងមានសុខភាពល្អ។
៣. ទប់ស្កាត់ការកើតឡើងនៃជម្ងឺមហារីក
បើតាមការស្រាវជ្រាវបានបង្ហាញឲ្យដឹងថា ការញ៉ាំផ្លែត្របែក វាជួយរារាំងការលូតលាស់នៃកោសិកាមហារីក ដែលកើតមានលើខ្លួនមនុស្សយើងដូចជា មហារីកក្រពេញប្រូស្តាត មហារីកសុដន់ មហារីកមាត់ ជាដើម។
អត្ថប្រយោជន៍នៃស្លឹកត្របែក៖
១. ជួយឲ្យមាត់ និងធ្មេញមានសុខភាពល្អ
គ្រាន់តែទំពាស្លឹកត្របែក១-២សន្លឹក រៀងរាល់ថ្ងៃ នោះធ្មេញរបស់អ្នកនិងមានសុខភាពល្អជាមិនខាន។ ម្យ៉ាងទៀត លោកអ្នកគ្រាន់តែយកស្លឹកត្របែក១-២សន្លឹក ទៅស្ងោរជាមួយនឹងទឹកធម្មតា ទុកឲ្យពុះ រួចហើយពេលដែលវាត្រជាក់បន្ថែមអំបិលចូលបន្តិច បន្ទាប់យកទឹកនោះទៅខ្ពុរមាត់រៀងរាល់ថ្ងៃ នោះក៏ធ្វើឲ្យមាត់ធ្មេញរបស់លោកអ្នកមានសុខភាពល្អបានដែរ។
២. ជួយធ្វើឲ្យសក់រលោងស្អាត និងការពារសក់មិនឲ្យជ្រុះ
លោកអ្នកគ្រាន់តែយកស្លឹកត្របែក១-២សន្លឹក ទៅស្ងោរជាមួយនឹងទឹកធម្មតា ទុកឲ្យត្រជាក់ រួចចាក់វាឲ្យសព្វលើសក់ និងម៉ាស្សាថ្នមៗ នោះសក់របស់អ្នក នឹងស្រស់ស្អាតដូចក្ដីប្រាថ្នា។
ប្រភព៖ blushybabe.com ប្រែសម្រួល៖ Khou Sophy