«ផ្ទះខ្មោចសង់» មានអាថ៌កំបាំងដែលអ្នកនឹកស្មានមិនដល់

2018-02-09 12:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកដែលតែងតែទន្ទឹងរង់ចាំនូវខ្សែភាពយន្តបែបរន្ធត់តក់ស្លុត ឥឡូវនេះខ្សែភាពយន្តរឿង «ផ្ទះខ្មោចសង់» បានចូលមកអង្រួនអារម្មណ៍អ្នកមើលឲ្យរំជើបរំជួល។ រឿងនេះផ្អែកទៅតាមប្រភពរឿងពិតនិងជាភូមិគ្រឹះដែលលងយ៉ាងសាហាវបំផុតនៅក្នុងរដ្ឋ San Francisco បើគ្រាន់តែមើលរូបភាពភូមិគ្រឹះនេះពីខាងក្រៅគឺពិតជាធ្វើឲ្យអ្នកចង់ចូលទៅដើរមើលខាងក្នុងមែនទែន។

តែបើអ្នកបានដឹងពីរឿងរ៉ាវនៅពីក្រោយភូមិគ្រឹះដ៏ធំស្កឹមស្កៃមានជាង១០០បន្ទប់នេះនឹងធ្វើឲ្យអ្នកទន់ជង្គង់មិនហ៊ានចូលនោះទេ។ ភូមិគ្រឹះនេះបានសាងសង់ដោយស្ត្រីចំណាស់ម្នាក់ដែលជាអ្នកស្នងមរតកដ៏សន្ធឹកសន្ធាប់របស់ត្រកូលគ្រួសារផលិតកាំភ្លើង Winchester ។

គ្រប់ឈុតឆាកពេលរាត្រីនៅក្នុងរឿងនេះនឹងធ្វើឲ្យអ្នកភ្ញាក់ផ្អើលតក់ស្លុតនឹកស្មានមិនត្រូវ ហើយបើចង់ដឹងថាតើមានអាថ៌កំបាំងអីខ្លះបានជាភូមិគ្រឹះនេះមានការលងបន្លាចឥតឈប់ឈរបែបនេះ ត្រូវតែទៅទស្សនាខ្សែភាពយន្តនេះដែលចាប់បញ្ចាំងពីថ្ងៃទី៨ខែកុម្ភៈឆ្នាំ២០១៨នេះតទៅនៅគ្រប់រោងភាពយន្ត។ ជាពិសេសនោះក៏មានការចាក់បញ្ចាំងជាប្រភេទ 4Dx ដែលផ្តល់ជូននូវតម្លៃពិសេសត្រឹមតែ៩ដុល្លារប៉ុណ្ណោះដល់ថ្ងៃទី១៨ខែកុម្ភៈសម្រាប់គ្រប់កៅអីទាំងអស់ ចឹងចាំអង្កាល់ទៀតនាំគ្នាទៅស្រែកឲ្យផ្អើលរោងកុនម្ដងមើល៍!