វិធីងាយៗ! ជួយកែបញ្ហាសាច់ដុះលើស្បែកយ៉ាងមានប្រសិទ្ធិភាព!

2018-02-14 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បញ្ហាសាច់ដុះនៅលើស្បែកគឺពិតជាធ្វើឲ្យយើងទាំងអស់គ្នាមានអារម្មណ៍ថាពិបាកចិត្តមែនទែន ព្រោះថាពេលដែលវាដុះចេញមកហើយ វាមិនបាត់ទៅវិញឡើយ គឺនៅជាប់នៅលើស្បែករបស់យើងរហូតតែម្តង។ កន្លែងដែលជួបប្រទះនូវបញ្ហានេះភាគច្រើនគឺនៅ លើក្លៀក ដៃ កញ្ចឹងក ត្របកភ្នែក និង នៅផ្នែកខាងក្រោមសុដន់ ជាដើម។ មិនថាប្រុស ឬក៏ស្រីទេជាញឹកញាប់ តែងតែជួបប្រទះនូវបញ្ហាទាំងអស់នេះ។ តែពេលនេះ លោកអ្នកអាចរីករាយឡើងវិញបានហើយ ព្រោះថាសាច់ដុះនឹងរលាយបាត់អស់ ដោយសារវិធីងាយៗដូចខាងក្រោមនេះ កុំភ្លេចសាកមើលទាំងអស់គ្នាណា!

១. ទឹកម្នាស់

យកទឹកម្នាស់មកលាបលើសាច់ដុះរៀងរាល់ថ្ងៃ ពី២-៣ដងក្នុង១ថ្ងៃ ហើយមិនបាច់លាងសម្អាតទេ។ ធ្វើបែបនេះឲ្យបាន១០ថ្ងៃ សាច់ដុះនោះនឹងរលាយបាត់។ វិធីនេះក៏អាចប្រើបានជាមួយនឹងឫសនៅលើដៃឬលើជើង និង ប្រជ្រុយដុះបានផងដែរ។

២. ទឹកខ្ទឹមបារាំង

យកខ្ទឹមបារាំង១មើម មកកាត់ជាដុំៗ ហើយត្រាំជាមួយអំបិលទុកមួយយប់ ពេលព្រឹកឡើង ច្របាច់យកទឹករបស់វាមកលាបលើស្បែកត្រង់កន្លែងដែលមានសាច់ដុះ រយៈពេលប្រហែលពី ១០-១២ថ្ងៃ នឹងឃើញពីលទ្ធផលជាមិនខាន។

៣. សំបកចេក

កាត់សំបកចេកទំហំល្មមប៉ុននិងសាច់ដុះដែលនៅលើស្បែករបស់អ្នក រួចបិទនៅលើសាច់ដុះនោះ បន្ទាប់មកយកស្បៃ ឬស្កុតមករុំពីលើត្រង់កន្លែងបិទនោះទុក១យប់ ពេលព្រឹកឡើងសឹមបកចេញវិញ។ អនុវត្តបែបនេះជាប្រចាំរហូតដល់សាច់ដុះទាំងនោះរលាយបាត់អស់។