អ្នកចូលចិត្តជិះយន្តហោះទៅដើរលេងឆ្ងាយៗ!! ទិញមួយទុកទៅមិនខុសទេ!!!
- 2018-02-22 05:08:32
- ចំនួនមតិ 0 | ចំនួនចែករំលែក 0
អ្នកចូលចិត្តជិះយន្តហោះទៅដើរលេងឆ្ងាយៗ!! ទិញមួយទុកទៅមិនខុសទេ!!!
ចន្លោះមិនឃើញ
ពេលទៅដើរលេងនៅកន្លែងឆ្ងាយៗម្ដងៗ ត្រូវចំណាយពេលធ្វើដំណើរច្រើនម៉ោង កំឡុងពេលច្រើនម៉ោងអញ្ចឹងអត់ដឹងធ្វើអីទេ ត្រូវអ្ហេះ? ការគេងគឺជារឿងល្អបំផុតក្នុងកំឡុងពេលនោះ តែវាពិបាកមែនទែនដោយសារ កៅអីនៅលើយន្តហោះមិនដូចគ្រែគេងឯណា! ពេលគេងលង់ទៅធ្លាក់ក្បាលចុះឡើងៗ ពេលខ្លះគ្រេចកផងក៏មាន យ៉ាប់ណាស់!
ដើម្បីដោះស្រាយបញ្ហាអស់ទាំងនេះ ពីសប្បាយដើរថ្ងៃនេះសូមបង្ហាញជូននូវខ្នើយខ្យល់ប៉ុន្មានម៉ូដដែលអាចជួយឲ្យលោកអ្នកគេងបានយ៉ាងស្រួលក្នុងកំឡុងពេលដើរលេងកម្សាន្តទៅណាមកណាម្តងៗ។
១. Eagle Creek Exhale Neck Pillow៖ ជាខ្នើយខ្យល់ដែលមានរូបរាងស្តង់ដារ ជាអក្សរ U ដែលលោកអ្នកអាចយកមកពាក់នឹងក ហើយផ្អែកខ្នងគេងទៅនឹងកៅអីយន្តហោះបានយ៉ាងស្រួល។
២. Travelrest Pillow៖ មានរូបរាងប្លែកបន្តិច រាងដូចខ្សែក្រវាត់សុវត្ថិភាព តែវាក៏អាចជួយឲ្យលោកអ្នកគេងបានយ៉ាងស្រួលដោយគ្រាន់តែយកវាមកពាក់បញ្ឆិតជាប់នឹងខ្លួន ហើយផ្ដេកក្បាលគេងលើវាទៅបានហើយ។
៣. Senczo Travel Pillow៖ មានកម្ពស់ ២១អ៊ីញ លោកអ្នកគ្រាន់តែអោនក្បាលមកខាងមុខ ហើយគេងលើវា ឬក៏ចង់គេងដាក់មុខផ្កាប់ក៏បានព្រោះវាមានប្រឡោះសម្រាប់ឲ្យដកដង្ហើមបានផងដែរ រាងរបស់វាហាក់បីដូចជាកូនតុម៉ាស្សាមួយយ៉ាងអញ្ចឹងដែរ។
៤. Lucy Real Cushion៖ មិនត្រឹមតែមានខ្នើយដែលអាចកល់ក ឲ្យគេងបានស្រួលទេ ថែមទាំងមានខ្នើយសម្រាប់កល់ក្បាលថែមទៀតផង។ លោកអ្នកអាចដាក់គេងនៅខាងក្រោយក៏បាន បង្វិលគេងឆ្វេង ស្ដាំក៏បាន។
៥. Hoodie Pillow៖ វាធ្វើឲ្យលោកអ្នកមានអារម្មណ៍ថាដូចពាក់អាវរងាគេងអញ្ចឹង ព្រោះថាខ្នើយនេះរចនាឡើងជាខ្នើយដែលមានមួកអាវរងានៅពីលើ។
រាល់ខ្នើយទាំងអស់នេះអាចរកទិញបានតាមរយៈ៖ Amazon
ប្រភព៖ smartertravel ប្រែសម្រួល៖ Khou Sophy