កាលៈទេសៈដែលអ្នកមិនគួរប្រើទូរសព្ទដៃ
- 2018-02-21 02:39:15
- ចំនួនមតិ 0 | ចំនួនចែករំលែក 0
កាលៈទេសៈដែលអ្នកមិនគួរប្រើទូរសព្ទដៃ
ចន្លោះមិនឃើញ
បច្ចុប្បន្ន ទូរសព្ទដៃចល័ត ឬក៏ ស្មាតហ្វូន (Smart Phone )មានតួនាទីសំខាន់ណាស់សម្រាប់ការរស់នៅប្រចាំថ្ងៃ ហើយមិនថាអ្នកណា ក៏មានស្មាតហ្វូនកាន់សឹងតែគ្រប់គ្នាទៅហើយ។ ពិតណាស់ ទូរស័ព្ទដៃចល័ត នេះគឺប្រៀបដូចជារបស់ដ៏ពិសេសមួយដែល អាចជួយយើងបានគ្រប់យ៉ាង ហើយមនុស្សមួយចំនួនលេងSmart Phone ស្ទើរតែគ្រប់ពេលគ្រប់ទីកន្លែង។ ប៉ុន្តែសប្បាយដើរមានកន្លែងចង់ណែនាំខ្លះ ដែលអ្នកមិនគួរកាន់ទូរសព្ទជាប់ដៃរហូតនោះ ព្រោះអាចនឹងធ្វើឲ្យអ្នកបាត់បង់ពេលវេលាដ៏មានតម្លៃ ។
១. ពេលភ្ងាក់ពីគេងភ្លាម
ប្រាកដណាស់អ្វីដែលអ្នកបើកភ្នែកឃើញមុនគេនោះ គឺជាអេក្រង់ទូរសព្ទមែនអត់? ប្រសិនបើអ្នកគ្រាន់តែសម្លឹងមើលម៉ោងនោះមិនអីទេ ព្រោះការសម្លឹងមើលពន្លឺអេក្រង់ទូរសព្ទអាចធ្វើឲ្យសាច់ដុំភ្នែករបស់អ្នកឆាប់ចុកហើយអាចធ្វើឲ្យភ្នែកអ្នកមានបញ្ហានៅថ្ងៃមុខ។
អ្នកគួរតែទទួលយកពន្លឺធម្មជាតិពីព្រះអាទិត្យរះនៅពេលព្រឹកព្រលឹមប្រសើរជាងពន្លឺពីអេក្រង់ទូរសព្ទ ។
២.ពេលនៅតុញ៉ាំអាហារ
តុអាហារគឺជាកន្លែងសំខាន់សម្រាប់ភ្ជាប់ទំនាក់ទំនងរវាងគ្នានិងគ្នា ដូច្នេះកុំឲ្យទូរសព្ទមកកាត់ផ្តាច់ទំនាក់ទំនងរបស់អ្នកជាមួយនឹងអ្នកខាងក្រៅអី ទម្លាក់ទូរសព្ទចុះហើយផ្តោតទៅលើការសន្ទនាដ៏សាមញ្ញជាមួយនឹងដៃគូរ ឬអ្នកនៅជុំវិញតុអាហារជារឿងដែលល្អជាង។
៣.នៅក្នុងបន្ទប់ប្រជុំ
កិច្ចប្រជុំជួនកាលពិតជាគួរឲ្យធុញទ្រាន់មែន ប៉ុន្តែអ្វីដែលសំខាន់នោះអ្នកមិនដកត្រូវដកទូរសព្ទចេញពីក្នុងហោប៉ៅនោះទេ។ ការចុចទូរសព្ទអំឡុងពេលប្រជុំអាចធ្វើអ្នកដ៏ទៃគិតថាអ្នកជាមនុស្សដែលមិនចេះឲ្យតម្លៃទៅលើពេលវេលានិងការងារ។
៤. អំឡុងពេលបើកបរ
ចរាចរណ៍កកស្ទះគឺធ្វើឲ្យយើងធុញទ្រាន់ព្រោះត្រូវអង្គុយនៅក្នុងឡានរាប់ម៉ោង តែទោះជាកកស្ទះយ៉ាងណាក៏ដោយអ្នកពុំគប្បីប្រើប្រាស់ទូរស័ព្ទក្នុងអំឡុងពេលនោះទេ។ មិនថាជាការឆ្លើយតបសារ ,ការតេទូរសព្ទជាវីដេអូក៏ដោយ , ការធ្វើបែបនេះមានហានិភ័យខ្ពស់ណាស់ក្នុងការបង្កឲ្យមានគ្រោះថ្នាក់ដល់ខ្លួននិងអ្នកដទៃ។
៥.នៅក្នុងបន្ទប់ទឹក
អ្នកប្រហែលជាគិតថាល្អ ប្រសិនបើអ្នកអង្គុយបត់ជើងបណ្ដើរចុចទូរស័ព្ទបណ្ដើរនោះ ប៉ុន្តែអ្នកមិនបានដឹងទេថាផ្តល់គ្រោះថ្នាក់ដល់សុខភាពរបស់អ្នកដោយមិនចាប់អារម្មណ៍។ នៅក្នុងបន្ទប់ទឹកគឺជាបណ្តុំនៃបាក់តេរីគ្រប់ប្រភេទ ទោះបីជាអ្នកលាងដៃបន្ទាប់ពីបន្ទោរបង់ហើយមែនប៉ុន្តែបាក់តេរីទាំងនោះបានតោងស្អិតជាមួយនឹងទូរសព្ទអ្នករួចទៅហើយ ដូច្នេះពេលអ្នកប្រើប្រាស់វាគឺប្រៀបដូចជាយកមេរោគដាក់ជាប់ខ្លួនអីចឹង។
បើអ្នកមិនមែនជាអ្នកញៀននឹងទូរសព្ទទេគឺជាការល្អហើយ ប៉ុន្តែនេះការចែករំលែកខាងលើនេះគ្រាន់តែជាការដាស់តឿនដល់អ្នកដែលកាន់ទូរសព្ទស្ទើរតែ២៤ម៉ោងតែប៉ុណ្ណោះ។ កុំបណ្ដោយឲ្យរបស់ដ៏តូចមួយនេះឃុំគ្រងអ្នកនៅក្នុងប្រអប់មួយអី។
ប្រភព៖ gangbeauty ប្រែសម្រួល៖ chanvutha yin
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
