តើការធ្វើដំណើរកម្សាន្ត អាចជួយឲ្យអ្នកខូចចិត្តមានអារម្មណ៍ល្អប្រសើរឡើងវិញបានមែនហ៎?
- 2018-03-12 08:30:00
- ចំនួនមតិ 0 | ចំនួនចែករំលែក 0
តើការធ្វើដំណើរកម្សាន្ត អាចជួយឲ្យអ្នកខូចចិត្តមានអារម្មណ៍ល្អប្រសើរឡើងវិញបានមែនហ៎?
ចន្លោះមិនឃើញ
ការដែលបានជួបគ្នា យល់ចិត្ត ស្រលាញ់គ្នា ហើយបែរជាបែកបាក់គ្នាវិញនោះគឺជារឿងមួយដែលពិបាកទទួលយកបំផុតសម្រាប់មនុស្សម្នាក់ៗមិនថាស្រីឬក៏ប្រុសទេ។ ខណៈពេលដែលរឿងបែបនេះកើតឡើងម្នាក់ៗ មិនដឹងថាត្រូវថាធ្វើអ្វីដើម្បីឲ្យអារម្មណ៍ខ្លួនឯងបានប្រសើរឡើងវិញបាន ក្រៅពីសំងំពិបាកចិត្តម្នាក់ឯង ផឹកស្រាបំបាត់ទុក្ខជាដើម។ ការដែលធ្វើបែបនេះ គឺមិនអាចជួយអ្វីឲ្យបានប្រសើរឡើយ ថែមទាំងធ្វើឲ្យខូចសុខភាពថែមទៀតផង។ ការដើរកម្សាន្តទៅកន្លែងដែលលោកអ្នកចូលចិត្តគឺជាវិធីដែលល្អបំផុតដែលអាចជួយឲ្យអ្នកមានអារម្មណ៍ល្អប្រសើរឡើងវិញបានណា! ស្ដាប់ទៅមិនគួរឲ្យជឿសោះហ្ន៎ះ? អញ្ចឹងតោះ! ទៅស្វែងយល់ពីហេតុផលទាំងអស់គ្នាតិចមើល៍៖
ជួបមនុស្សថ្មីៗ៖ ការដែលទៅដើរកម្សាន្តគឺឱកាសដ៏ល្អដែលធ្វើឲ្យអ្នកបានស្គាល់និងជួបមនុស្សថ្មីជាច្រើន ដើរលេងនៅកន្លែងជាមួយគ្នា ជជែកគ្នាលេង ជាមួយមនុស្សដែលមានចំណូលចិត្តដូចគ្នា ជួយឲ្យអារម្មណ៍បានធូរស្រាលមួយកម្រិតដែរ។
ចាប់អារម្មណ៍ពីខ្លួនឯងវិញម្តង៖ នៅពេលដែលកំពុងស្រលាញ់គ្នា ម្នាក់ៗគឺមិនសូវខ្វល់ពីចំណូលចិត្តខ្លួនឯងច្រើនឡើយ គឺសម្របទៅតាមមនុស្សដែលខ្លួនឯងស្រលាញ់រហូត។ ដូច្នេះ ពេលវេលានេះគឺជារបស់អ្នកហើយ ទៅកន្លែងណាដែលអ្នកចង់ទៅ ធ្វើអ្វីដែលអ្នកចង់ធ្វើ តាមចិត្តចុះ។
ទទួលបានចំណេះដឹងថ្មីៗ៖ កំឡុងពេលដើរកម្សាន្ត លោកអ្នកអាច សិក្សាពីអ្វីថ្មីៗ ដែលនៅជុំវិញខ្លួនអ្នក និងសាកល្បងធ្វើអ្វីដែលលោកអ្នកមិនធ្លាប់បានធ្វើកាលពីមុនមក។
បច្ចុប្បន្នភាពគឺជារឿងសំខាន់ជាងគេ៖ រឿងដែលកន្លងផុតហើយ ឲ្យវាហួសទៅ ត្រូវគិតពីរឿងសប្បាយៗ ក្នុងពេលបច្ចុប្បន្នវិញល្អជាង។
ដើរទៅមុខជានិច្ច៖ ឱកាសល្អៗ មិនមានច្រើនឡើយ កុំរវល់តែសំងំខូចចិត្តឥតប្រយោជន៍ ដើរលេងឲ្យសប្បាយ ធ្វើអ្វីដែលល្អៗ សម្រាប់ខ្លួនឯងវិញប្រសើរជាង។
https://theblondeabroad.com/2015/11/08/why-travel-is-the-best-cure-for-a-broken-heart/
ប្រភព៖ theblondeabroad.com ប្រែសម្រួល៖ Khou Sophy