ដឹងពីចំណុចខ្លះៗ មុនចាប់កាន់កាមេរ៉ាថតរូបតាមផ្លូវ

2018-04-27 03:47:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលធ្វើដំណើរកម្សាន្ត មានឱកាសជួបមនុស្សនានាគួរឲ្យចាប់អារម្មណ៍តាមដងផ្លូវ អ្នកប្រហែលជាចង់ថតទិដ្ឋភាពបែបនោះទុកជាអនុស្សាវរីយ។ ហើយនេះវិធីជួយអ្នកថតរូប បានល្អ ដោយសប្បាយចិត្ត។

១) ស្នើសុំការអនុញ្ញាត

ធម្មតា មុនថតរូបនរណាម្នាក់ គួរសុំការអនុញ្ញាត ងាយស្រួលផលិតរូបភាពបានល្អ។ តែនេះមិនល្អគ្រប់ពេលនោះទេ ពេលខ្លះទិដ្ឋភាពមនុស្សមិនចាប់អារម្មណ៍ ពីអ្នកថត អាចបង្កើតរូបភាពកាន់តែប្រសើរ។

គួរស្នើសុំការអនុញ្ញាតមនុស្ស ពន្យល់ហេតុផល និងបំណងចង់ផ្ដិតរូបពីមនុស្សគួរឲ្យចាប់អារម្មណ៍តាមដងផ្លូវ។

មានបញ្ហាមួយ ដោយអ្នកប្រហែលជាមិនចេះនិយាយភាសាក្នុងតំបន់ តែអាចប្រើកាយវិការ និងស្នាមញញឹម ហើយតម្រង់កាមេរ៉ាទៅពួកគាត់ បង្ហាញពីការស្នើសុំការអនុញ្ញាតថត។

អ្នកអាចសុំជំនួយ ពីនរណាម្នាក់អាចនិយាយភាសាក្នុងតំបន់ ដើម្បីងាយស្រួលក្នុងការទំនាក់ទំនងជាមួយ ក៏ដូចជាអាចជួយណែនាំតំបន់មានទិដ្ឋភាពល្អៗតាមដងផ្លូវផងដែរ។ ក្រោយទទួលបានការអនុញ្ញាត អាចចំណាយពេលបន្តិចធ្វើការជាមួយ Subject បង្កើត និងកែប្រែប្លង់ថតបាន។

ឧទាហរណ៍ ពេលឃើញនរណាម្នាក់គួរឲ្យចាប់អារម្មណ៍ តែពួកគេឈរចំព្រះអាទិត្យ ដែលមានពន្លឺខ្លាំង អ្នកអាចស្នើសុំគាត់កែប្រែ ដោយឈរក្នុងម្លប់ជំនួសវិញ ដើម្បីទទួលបានពន្លឺដ៏ល្អមួយ។

២) ថតសកម្មភាព

ពិតណាស់ អ្នកប្រាកដជាចង់ថតបុគ្គលស្រស់ស្អាត តែបុគ្គលគួរចាប់អារម្មណ៍អាចបង្កើនគុណភាពរូបភាពបាន រួមមានក្មេងចាស់ប្រុសស្រី។

ឧទាហរណ៍រូបខាងលើ ប្ដីប្រពន្ធវ័យចំណាស់ចូលចិត្តជជែកជាមួយមនុស្ស និងឲ្យគេថតរូប ដែលអាចងាយស្រួលទំនាក់ទំនង ក្នុងការផលិតទិដ្ឋភាពតាមដងផ្លូវ នេះដោយសារពួកគាត់រស់រាយជាមួយមនុស្សគ្រប់រូប។

៣) កុំថតរូបក្មេងច្រើនពេក

ពេលអ្នកទៅក្បែរតំបន់មានសាលារៀន ក្មេងៗជាច្រើនប្រហែលចង់ឲ្យអ្នកថតរូបពួកគេ។ នេះជាអនុស្សាវរីយ៍ដ៏ល្អមួយ រវាងអ្នកថត និងក្មេង។

នៅប្រទេសមួយចំនួន មនុស្សក្នុងតំបន់ប្រហែលមើលមកអ្នកថតរូបក្មេងៗ ជាជនគួរឲ្យសង្ស័យ។ យល់ល្អគួរជៀសវាងថតក្មេង និងស្វែងរកវ័យជំទង់គួរឲ្យចាប់អារម្មណ៍ផ្ដិតរូបភាពជំនួសវិញ។

៤) សម្លឹងមើលផ្ទៃខាងក្រោយ

អ្នកគួរសម្លឹងមើលផ្ទៃខាងក្រោយ ឬទីតាំង គួរឲ្យចាប់អារម្មណ៍ ជាមួយកាមេរ៉ា ដើម្បីសង្កេតមើលមានអ្វីកើតឡើង។ អ្នកប្រហែលធ្លាប់ឃើញអ្នកថតរូបមួយចំនួន ដើរចុះឡើងពីទីតាំងមួយ ទៅទីតាំងមួយ នេះព្រោះចង់ផ្ដិតយកអ្វីមួយទាក់នឹងភ្នែកពួកគេ។