ខ្សែភាពយន្តឃាតកម្មដ៏ព្រឺព្រួចប្រចាំខែឧសភា
- 2018-05-21 07:29:41
- ចំនួនមតិ 0 | ចំនួនចែករំលែក 0
ខ្សែភាពយន្តឃាតកម្មដ៏ព្រឺព្រួចប្រចាំខែឧសភា
ចន្លោះមិនឃើញ
នៅក្នុងខែឧសភានេះមានខ្សែភាពយន្តបែបឃាតកម្មអាថ៌កំបាំងដ៏ព្រឺព្រួចបានមកដល់ហើយតាមរយៈរឿង «ទារុណកម្ម» ។ សម្រាប់ទស្សនិកជនដែលចូលចិត្តទស្សនាខ្សែភាពយន្តបែបស៊ើបអង្កេតច្បាស់ជាមិនខកបំណងនោះទេជាមួយនឹងខ្សែភាពយន្តមួយនេះ រឿងទាំងអស់នេះបានចាប់ផ្ដើមពីបុរស២នាក់ដែលជាអ្នកបម្រើនៅក្នុងហាងហើយត្រូវបានភ្ញៀវទុកសោឡានឲ្យដើម្បីយកទៅទុកតែពួកគេបែរជាលួចយកព័ត៌មានរបស់ភ្ញៀវដើម្បីចូលប្លន់ទ្រព្យសម្បត្តិពីពួកគាត់ទៅវិញ។ តែថ្ងៃមួយពួកគេលួចបានទិន្នន័យរបស់ភ្ញៀវដ៏មានស្តុកស្ដម្ភម្នាក់ ប៉ុន្តែមិនដឹងថាជារឿងល្អឬអាក្រក់នោះទេនៅពេលដែលពួកគេចូលទៅលួចរបស់របរនៅក្នុងផ្ទះនោះក៏បានប្រទះឃើញមនុស្សស្រីម្នាក់ដែលត្រូវបានគេចាប់ជំរិតនៅក្នុងនោះ។ ពួកគេមិនបានជួយនាងនោះទេតែពួកគេបានប្ដឹងប៉ូលិសដើម្បីរំដោះនាង ប៉ុន្តែខាងប៉ូលិសមិនអាចស្វែងរកតម្រុយណាមួយពីនាងបានទាល់តែសោះ ហើយបុរសដែលជាភ្ញៀវមានស្តុកស្ដម្ភបានដឹងពីរឿងនេះក៏តាមព្យាបាទជីវិតរបស់ចោរកំលោះទាំង២នេះ រឿងរ៉ាវនេះបានបង្កើតបានទៅជាឃាតកម្មសម្លាប់ដ៏អាថ៌កំបាំង តើជីវិតចោរទាំង២នាក់និងនារីដែលជាប់ឃុំក្នុងផ្ទះនឹងទៅជាយ៉ាងណា? អ៊ីចឹងកុំភ្លេចទៅចូលរួមទស្សនាខ្សែភាពយន្ត «ទារុណកម្ម» ដើម្បីស្រាយនូវចំណងអាថ៌កំបាំងពីបុរសចម្លែកដែលចាប់នារីនោះទុក និងព្យាយាមសម្លាប់អ្នកដែលដឹងពីរឿងរបស់គាត់ថាតើមកពីហេតុអ្វី? មានចាក់បញ្ចាំងនៅគ្រប់រោងភាពយន្តចាប់ពីថ្ងៃទី១៨ខែឧសភាឆ្នាំ២០១៨នេះតទៅ។
អត្ថបទ៖ Nita
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
