កន្លែងដើរលេងសប្បាយៗទាំង១០នៅ បាងកក បើបានទៅធានាថាប្លែកភ្នែក
- 2018-07-02 23:24:00
- ចំនួនមតិ 0 | ចំនួនចែករំលែក 0
កន្លែងដើរលេងសប្បាយៗទាំង១០នៅ បាងកក បើបានទៅធានាថាប្លែកភ្នែក
ចន្លោះមិនឃើញ
ប្រទេសថៃគឺជាប្រទេសមួយដែលគេចាត់ទុកថាជាគោលដៅទេសចរណ៍មួយដ៏សំខាន់របស់អ្នកទេសចរណ៍ជុំវិញពិភពលោក ព្រោះប្រទេសនេះសំបូរទៅដោយរមណីយដ្ឋាន ជាពិសេសកន្លែងញ៉ាំអាហារប្លែកៗផងដែរ។
កន្លែងទាំង១០ដែលអ្នកមិនគួររំលងពេលទៅដល់ បាងកក៖
១០. Jim Thompson's House
Jim Thompson's House គឺជាកន្លែងទេសចរណ៍ដែលល្បីមួយនៅក្នុងប្រទេសថៃ។ កន្លែងនេះអ្នកអាចទស្សនាផ្ទះបុរាណរបស់ប្រជាជនថៃ, សិល្បៈបុរាណថៃ និង ក្រណាត់សូត្រស្អាតៗផងដែរ។
៩. Lumpini Park
សួន Lumpini គឺជាសួនដែលធំជាងគេនៅប្រទេសថៃ។ អ្នកអាចគយគន់ទេសភាពនៅតាមដងបឹងឬក៏ជួលទូកជិះលេងកំសាន្តជាមួយនឹងមិត្តភក្ដិ បងប្អូន ក្រុមគ្រួសារនិងគូរស្នេហ៍បាន។
៨. Chatuchak Weekend Market
អ្នកណាៗក៏ដឹងថាប្រទេសថៃគឺជាប្រទេសមួយដែលគេចូលចិត្តទៅទិញឥវ៉ាន់ហើយក្នុងនោះក៏មានផ្សារមួយដែលអ្នកមិនគួររំលងនោះទេគឺ Chatuchak Weekend Market។
៧. Chao Phraya River
ទន្លេ Chao Phraya គឺជាបេះដូងរបស់ទីក្រុងបាងកក។ អ្នកអាចជួលទូកជិះតាមដងទន្លេដើម្បីគយគន់ទេសភាពនៃទីក្រុងបាងកក។
៦. Khao San Road
ផ្លូវ Khao San គឺជាផ្លូវដែលមានប្រជាប្រិយភាពជាងគេរបស់ទីក្រុងបាងកកព្រោះអ្នកអាចស្វែងរករបស់ថោកៗនៅទីនោះបានយ៉ាងស្រួល ហើយអ្នកក៏អាចរកកន្លែងស្នាក់នៅដែលមានតម្លៃថោកទីនោះដូចគ្នាផងដែរ។ លើសពីនេះទៅទៀត ពេលល្ងាចនៅទីនោះមានបារជាច្រើនដែលអាចឲ្យអ្នកសប្បាយជាមួយនិងតន្ត្រីកំដរអារម្មណ៍។
៥. សារមន្ទីរជាតិបាងកក
នៅបាងកកមានសារមន្ទីរជាច្រើនដែលអាចឲ្យអ្នកទៅទស្សនាបានប៉ុន្តែបើអ្នកចង់ដឹងច្បាស់ពីប្រវត្តិសាស្ត្រ និងសិល្បៈវប្បធម៌របស់ប្រទេសថៃកាន់តែច្បាស់នោះអ្នកអាចសាកល្បងទៅសារមន្ទីរជាតិបាងកកបាន។
៤. Sea Life Bangkok អ្នកអាចទស្សនាត្រីនៅបាតសមុទ្រជាច្រើនប្រភេទ បូករួមជាមួយនឹងការសម្ដែងផ្សេងៗដែលអ្នកនឹងប្លែកភ្នែកជាក់ជាមិនខាន។
៣. វត្ត Pho
វត្ត Pho គឺជាកន្លែងដែលមានចេតិយធំរបស់ព្រះពុទ្ធ ហើយនឹងមានកន្លែងម៉ាស្សាបែបថៃបុរាណ។ នៅទីនោះមានរូបចម្លាក់ជាច្រើន ហើយក៏មានហាងលក់វត្ថុអនុស្សាវរីយ៍ដែលអ្នកអាចទិញផ្ញើអ្នកជាទីស្រលាញ់បាន។
២. Chinatown
Chinatown គឺជាតំបន់ទេសចរណ៍ដែលល្បីនៅទីក្រុងបាងកក។ វាគឺជាឋានសួគ៌ម្ហូបសម្រាប់អ្នកដែលចូលចិត្តញ៉ាំហើយក៏សំបូរទៅដោយរបស់ថោកៗជាច្រើន។
១. The Grand Palace
The Grand Palace គឺជារាជវាំងដ៏ស្រស់ស្អាតរបស់ប្រទេស។ រាជវាំងនេះមានសារៈសំខាន់ខ្លាំងសម្រាប់ប្រទេសថៃព្រោះទីនេះជាតំបន់ទេសចរណ៍មួយដែលបង្ហាញពីប្រវត្តិសាសន៍ក៏ដូចជាវប្បធម៌របស់ប្រទេសថៃ៕
ប្រភព៖ wonderslist ប្រែសម្រួល៖ Sey