ចង់គេចពីភាពអ៊ូអរដែរទេ? មកលម្ហែអារម្មណ៍ជាមួយកន្លែងបែបធម្មជាតិនេះម្ដងមើល៍!

2018-07-19 06:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចង់គេចពីបរិយាកាសអ៊ូអរនៃទីក្រុង ភាពនឿយហត់ពីការងារ ទៅសម្រាកលំហែកាយនៅកន្លែងដែលមានភាពបរិសុទ្ធ បរិយាកាសធម្មជាតិជាមួយនឹងក្រុមគ្រួសារ អាចមកទទួលយកភាពបែបនេះបាននៅរមណីយដ្ឋានធម្មជាតិ « Kampot River Residence» ។ រមណីយដ្ឋានមួយនេះព័ទ្ធជុំវិញទៅដោយជួរភ្នំ វាលស្រែពណ៌បៃតងខ្ចី ដងព្រែកដែលមានទឹកថ្លាយង់គួរឲ្យចង់គយគន់មិនជិនណាយ។

ក្រៅពីមានទេសភាពស្អាតហើយរមណីយដ្ឋានមួយនេះក៏មានកន្លែងស្នាក់នៅដ៏មានផាសុកភាពផងដែរ គឺមានផ្ទះសង់ពីឈើ នៅដាច់ៗពីគ្នា។ ការតុបតែងនៅខាងក្នុងមានរបៀបរៀបរយ តាមលក្ខណៈបុរាណ និងសម័យ ដែលអាចស្នាក់នៅជាលក្ខណៈ ក្រុមគ្រួសារ មិត្តភក្តិ ឬគូស្នេហ៍ក៏ បាន ។