បើបានទៅជប៉ុនកុំភ្លេចទៅលេងកោះដែលគួរឲ្យស្រលាញ់ទាំងនេះ

2018-09-04 08:20:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសជប៉ុនត្រូវបានគេស្គាល់ថាជាប្រទេសដែលមានខ្យល់អាកាសបរិសុទ្ធ សំលៀកបំពាក់ទាន់សម័យ ប្រទេសដែលសម្បូរប្រជាជនអាយុវែង។ល។ ប៉ុន្តែអ្នកមានដឹងទេថាប្រទេសជប៉ុនក៏ជាប្រទេសដែលសម្បូរតំបន់ដែលគួរឲ្យស្រលាញ់ជាងគេ? ខាងក្រោមនេះគឺជាកោះរបស់ប្រទេសជប៉ុនដែលអ្នកអាចឃើញសត្វដែលគួរឲ្យស្រលាញ់ជាច្រើន៖

១. កោះអូគូណូស៊ីម៉ា ឬ កោះទន្សាយ

កោះទន្សាយនេះជាតំបន់ទេសចរណ៍មួយដែលមានប្រជាប្រិយភាព។ អ្នកអាចរីករាយនឹងទិដ្ឋភាពគួរឲ្យស្រលាញ់ជាមួយនឹងចំនួនសត្វទន្សាយដែលមាននៅកោះនេះជាច្រើន។ ទន្សាយទាំងអស់នោះសុាំជាមួយនឹងមនុស្សហើយអ្នកក៏អាចឲ្យចំណីទៅពួកវាបានដែរ។ ហេតុអ្វីបានជានៅទីនេះសម្បូរសត្វទន្សាយ? បន្ទាប់ពីសង្គ្រាមលោកលើកទី២មក កោះនេះបានក្លាយទៅជាសួនមួយ ហើយក៏បានប្រលែងសត្វទន្សាយឲ្យមានសេរីភាពនៅលើកោះនោះ។ ចំនួនទន្សាយក៏កាន់តែកើនឡើងហើយក៏បានក្លាយទៅជាកោះទន្សាយសម្រាប់ភ្ញៀវទេសចររីករាយជាមួយនឹងពួកវា។

២. កោះតាស៊ីរ៉ូជីម៉ា ឬ កោះឆ្មារ

នៅលើកោះនេះមានជំនឿថា ការចិញ្ចឹមសត្វឆ្មារគឺនាំសំណាងល្អមកដល់អ្នក។ រហូតមកដល់ឥឡូវនេះចំនួនសត្វឆ្មារនៅទីនោះកើនឡើងជាលំដាប់។ អ្វីដែលប្លែកនោះគឺនៅកោះនេះមានចេតិយសម្រាប់ឆ្មារដែលអ្នកអាចទៅទស្សនាបានទៀតផង។ កោះនេះមានច្បាប់ដ៏តឹងតែងមួយគឺហាមមិនឲ្យចិញ្ចឹមឆ្កែឬយកឆ្កែចូលមកកោះនេះជាដាច់ខាត។

៣. ភូមិកញ្រ្ជោង Zao

ទោះបីជាទីនេះមិនមែនជាកោះផ្ទាល់របស់សត្វកញ្ជ្រោងដូចកោះដែលមានរៀបរាប់មកខាងលើនៅឯភ្នំ Miyagi Zao ក៏ដោយក៏អ្នកអាចរកឃើញជម្រកសត្វកញ្ជ្រោងដោយឥតគិតថ្លៃដែលត្រូវបានគេស្គាល់ថាជាភូមិកញ្ជ្រោង Zao ដែលអ្នកអាចចំណាយដើម្បីទិញចំណីយកទៅឲ្យសត្វកញ្ជ្រោងទាំងនោះ។

ភូមិកញ្រ្ជោង Zao នេះមានកញ្ជ្រោងប្រហែលជាជាង១០០ក្បាលដែលមានពូជនិងពណ៌ខុសៗគ្នាសម្រាប់ភ្ញៀវទេសចរទស្សនា ហើយក៏មានចិញ្ចឹមកូនទន្សាយ សេះ និងពពែផងដែរ។

ចាប់តាំងពីសត្វកញ្ជ្រោងទាំងនេះត្រូវបានចិញ្ចឹមដោយយកចិត្តទុកដាក់ពីពេទ្យសត្វនិងក្នុងគោលបំណងដើម្បីព្យាបាលជំងឺ ដូច្នេះវាមិនមានគ្រោះថ្នាក់ដូចសត្វកញ្ជ្រោងព្រៃផ្សេងៗនោះទេ៕

ប្រភព៖ Mustdotravels ប្រែសម្រួល៖ Sey