មីគាវរសជាតិដើមសាំងហ្គាពួរ ឆ្ងាញ់ជាប់ចិត្ត

2018-09-14 01:02:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលនៅក្មេងៗធ្លាប់តែមើលរឿងភាគសាំងហ្គាពួរ ឃើញគេញ៉ាំមីគាវនេះឡើងស្រក់ទឹកមាត់ ប៉ុន្តែមកទល់ឥលូវមិនដែលបានសាកមែនទេ? ទោះជាចង់ញ៉ាំក៏មិនដឹងទៅញ៉ាំនៅកន្លែងណាដែរ! ពេលនេះសប្បាយដើរនឹងណែនាំកន្លែងញ៉ាំមី គាវនិងបាយមាន់អត់ឆ្អឹងរបស់ប្រទេសសិង្ហបុរី ធានាថាអ្នកទាំងអស់គ្នានឹងចូលចិត្ត។

មីគាវនេះគឺជាមីគាវគោកមានសាច់សាស៊ីវ គាវស្នូលសាច់ជ្រូក និងស្ពៃតឿ ហើយក៏មានស៊ុបដាក់ក្នុងកូនចានខាងក្រៅសម្រាប់យើងហុតផងដែរ។ ពេលខ្លះវាមានរូបរាងខ្មៅដោយសារគេចាក់ទឹកស៊ីអ៊ីវខាប់ពណ៌ខ្មៅចូលទៅដើម្បីបន្ថែមរសជាតិ។ ភាគច្រើនអ្នកដែលទៅញ៉ាំមីគាវនៅទីនោះគេច្រើនចូលចិត្តទឹកជ្រលក់ម្ទេសបុកដែលស្រដៀងនឹងទឹកត្រីបុកឬទឹកត្រីកោះកុងរបស់ខ្មែរយើង។

នៅហាងនោះក៏មានបាយមាន់អត់ឆ្អឹងដ៏ល្បី វាជាភាពងាយស្រួលចំពោះអ្នកបរិភោគដោយសារតែគេមិនចាំបាច់យកឆ្អឹងចេញ មួយវិញទៀតសាច់មាន់នៅទីនោះណែនធ្វើឲ្យយើងញ៉ាំហើយស្កប់ស្កល់។