មុនពេលទៅលេងសមុទ្រហាឡុងគួរដឹងពីចំណុចទាំងនេះ

2018-09-18 04:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឈូងសមុទ្រហាឡុងស្ថិតនៅភាគខាងជើងនៃប្រទេសវៀតណាម។ ឈូងសមុទ្រនេះត្រូវបានគេស្គាល់និងល្បីឈ្មោះដោយសារទេសភាពធម្មជាតិដ៏ស្រស់បំព្រង ហើយក៏ត្រូវបានគេបញ្ចូលក្នុងបញ្ជីនៃអច្ឆរិយធម្មជាតិរបស់ពិភពលោកផងដែរ។ ហាឡុងគឺជាឆកសមុទ្រដែលមានទីតាំងស្ថិតនៅក្នុងឈូងសមុទ្រ តាំងគៀ ភាគខាងជើងនៃសាធារណរដ្ឋសង្គមនិយមវៀតណាម។

អ្នកអាចទៅលេងនៅហាឡុងពេលណាក៏បានប៉ុន្តែអ្នកគួរតែមានគម្រោងនិងរៀបចំឲ្យបានច្បាស់លាស់។ អាកាសធាតុមិនល្អក៏អាចធ្វើឲ្យដំណើរកម្សាន្តរបស់អ្នកមានភាពលំបាកហើយក៏ពិបាកក្នុងការទស្សនាទេសភាពដ៏ស្រស់ស្អាតនេះបានដែរ។ បើអ្នកចង់ទៅលេងនៅទីនោះខែដែលល្អបំផុងនោះគឺចាប់ពីខែមិនាដល់ខែមិថុនា ហើយជៀសពីការដើរលេងកំឡុងពេលថ្ងៃឈប់សម្រាករបស់ជនជាតិវៀតណាមដែលមានមនុស្សច្រើន (៣០ មេសា និង ១ ឧសភា)។ ពីខែមិថុនាដល់ខែកញ្ញាគឺជារដូវកាលដើរលេងនៅទីនោះមានតម្លៃថោកជាងធម្មតាដូច្នេះវាក៏ជាអាកាសល្អដល់ការចំណាយរបស់អ្នក ប៉ុន្តែអ្នកត្រូវប្រយ័ត្នជាមួយនឹងការព្យាករណ៍ព្យុះ។ ចាប់ពីខែតុលាដល់ខែវិច្ឆិកាគឺជារដូវកាលដែលសម្បូរភ្ញៀវទេសចរច្រើនហើយតម្លៃក៏ឡើងថ្លៃធម្មតាវិញ ប៉ុន្តែនៅមានពន្លឺព្រះអាទិត្យនៅឡើយទេ។

ខែធ្នូនៅទីនោះគឺចាប់ផ្ដើមត្រជាក់ មានពពកច្រើនដែលមិនសូវមានពន្លឺព្រះអាទិត្យជះចូលបាន។ រីឯខែមករានិងខែកុម្ភៈវិញអាកាសធាតុចាប់ផ្ដើមអាប់អួ ត្រជាក់ ចុះអ័ភ្រ និងមានភ្លៀងធ្លាក់រលឹមៗ។

វិធីដែលអ្នកអាចរីករាយជាមួយនឹងទេសភាពនៅទីនោះបានគែការជិះទូកដើម្បីទៅកាន់ជ្រុងម្ខាងទៀតដែលមានបឹងទឹកប្រៃ ឆ្នេរខ្សាច់ ល្អាងភ្នំដែលមើលទៅគួរឲ្យខ្លាចដែលអ្នកអាចឃើញមាននៅតែទីនោះប៉ុណ្ណោះ។ ការជិះទូកក៏មានប្រជាប្រិយភាពនៅទីនោះដែរដោយគេមានបែងចែកជា២វេនគឺវេនយប់និងថ្ងៃសម្រាប់អ្នកដែលមិនមានពេលគ្រប់គ្រាន់ដើម្បីរីករាយជាមួយនឹងបរិយាកាសដ៏ស្រស់ថ្លានេះ៕