ហេតុអ្វីអ្នកគួរតែទៅលេងកោះបាលីដែលជាកោះមួយល្បីក្នុងពិភពលោក?
- 2018-09-13 04:42:10
- ចំនួនមតិ 0 | ចំនួនចែករំលែក 0
ហេតុអ្វីអ្នកគួរតែទៅលេងកោះបាលីដែលជាកោះមួយល្បីក្នុងពិភពលោក?
ចន្លោះមិនឃើញ
មានមូលហេតុជាច្រើនដែលអ្នកគួរតែទៅលេងនៅកោះនោះ។ នៅទីនោះមិនមែនមានតែទេសភាពមួយមុខនោះទេ ក្រៅពីឆ្នេរសមុទ្រក៏មានប្រាសាទ វិហារ និងរាំកម្សាន្តនៅតាមក្លឹបជាដើម។ ជាការពិតណាស់ដោយសារតែនៅទីនេះអ្នកមានកន្លែងសម្រាប់កម្សាន្តច្រើន ដូច្នេះហើយទើបកោះបាលីជាកោះមួយដែលទទួលបានប្រជាប្រិយជាងគេសម្រាប់វិស្សមកាលនៅប្រទេសឥណ្ឌូណេស៊ី។ ខាងក្រោមនេះគឺជាកន្លែងដែលអ្នកគួរទៅលេង៖
១. ប្រាសាទ
នៅកោះបាលីមានប្រសាទជាច្រើនដោយភូមិនិមួយៗមានប្រសាទរបស់ខ្លួន។ ប្រាសាទដែលគួរឲ្យចាប់ចិត្តនៅកោះបាលីនេះគឺ ប្រាសាទ Ulun Danu ដែលសម្រាប់ឧទ្ទិសទៅព្រះទន្លេ។
២. ទៅមើលសត្វស្វានៅក្នុងព្រៃ
បើអ្នកចូលចិត្តការផ្សងព្រេង និងស្រលាញ់ចូលចិត្តសត្វនោះ អ្នកអាចសាកល្បងទៅលេងនៅទីនេះបាន។ អ្នកនឹងឃើញហ្វូងស្វាជាមួយនឹងធម្មជាតិស្រស់ស្អាត ប៉ុន្តែអ្នកត្រូវប្រុងប្រយ័ត្នព្រោះស្វាទាំងនោះនឹងលោតទៅតោងស្មារបស់អ្នក ហើយក៏ប្រហែលជាលួចឥវ៉ាន់ទៀតផង។
៣. Ubud Art Market
ផ្សារនេះបើកជារៀងរាល់ថ្ងៃដែលត្រូវបានរុំព័ទ្ធដោយទំនិញសិល្បៈគ្រប់ប្រភេទដែលផលិតនៅក្នុងប្រទេសដូចជា កន្សែងបង់ក កាបូបដែលត្បាញដោយដៃ រូបចម្លាក់ ខ្លែង សំលៀកបំពាក់ និងវត្ថុអនុស្សាវរីយ៍ជាច្រើនទៀត។ ផ្សារនេះមានទីតាំងនៅខាងក្រៅវាំង Ubud។
៤. រាជវាំង Ubud
ទស្សនាព្រះបរមរាជវាំងដែលត្រូវបានសាងសង់នៅដើមទសវត្សរ៍ឆ្នាំ ១៨០០ និងថែរក្សាបានយ៉ាងល្អឥតខ្ចោះហើយរីករាយជាមួយនឹងសួនច្បារដ៏គួរឲ្យទាក់ទាញ។ ប្រសិនបើអ្នកនៅទីនោះដល់ពេលល្ងាច អ្នកគួរតែចូលទស្សនាការសម្ដែងរាំជាច្រើនប្រភេទរបស់ពួកគេ។
៥. ការ Surfing
កោះបាលីគឺជាកន្លែងឋានសួគ៌របស់អ្នកដែលចូលចិត្តកីឡាស្គីទឹក (Surfing)។ បើអ្នកមិនចេះលេងកីឡានេះទេ គេក៏មានថ្នាក់បង្រៀនជាច្រើននៅ Kuta។
៦. ក្លឹប
ក្លឹបចាប់ផ្ដើមបើកពាក់កណ្ដាលយប់រហូតទល់ភ្លឺ។ ក្លឹបដែលមានប្រជាប្រិយភាពដូចជា The Sky Dome Super Club The Bounty Discotheque The engine Room និង Jenja។
ការពិតមួយចំនួនពីកោះបាលី៖
កោះបាលីគឺជាកោះមួយស្ថិតនៅប្រហែលជាជាង១គីឡូម៉ែត្រនៃទិសខាងកើតកោះ Java។
ចំនួនប្រជាជនមានតិចជាង៤លាននាក់ ហើយទំហំរបស់កោះនោះគឺប្រហែលជា ៥៧៨០ គីឡូម៉ែត្រការ៉េ។
កោះនេះមានទីក្រុងធំៗ២គឺ Singaraja និងDenpasar
អ្នកគួរតែទៅលេងកំឡុងខែមេសា ដល់ ខែតុលា៕
ប្រភព៖ Mustdotravels ប្រែសម្រួល៖ Sey