ឆ្ងល់អត់! ម៉េចបានសត្វស្វាចូលចិត្តនាំគ្នាចាប់ចៃ?
- 2017-04-04 02:06:40
- ចំនួនមតិ 0 | ចំនួនចែករំលែក 0
ឆ្ងល់អត់! ម៉េចបានសត្វស្វាចូលចិត្តនាំគ្នាចាប់ចៃ?
ចន្លោះមិនឃើញ
ជានិច្ចកាល យើងតែងឧស្សាហ៍ឃើញសត្វស្វាផ្តុំគ្នាជាក្រុម ដើម្បីរកចៃអោយគ្នាទាំងកណ្ដាលថ្ងៃត្រង់។ តើមូលហេតុអ្វីបានជាពួកវានាំគ្នាធ្វើបែបនេះ?
យោងតាមសៀវភៅ" ហេតុអ្វី " របស់លោក ហ៊ុន គឹមស៊ា បានបកស្រាយថា ជាទម្លាប់សត្វស្វាតែងវែករោមគ្នាវាមើលចុះឡើង ហាក់ដូចជាកំពុងចាប់ចៃដើម្បីយកមកស៊ីអ៊ីចឹង។ ប៉ុន្តែតាមការពិតទៅ សត្វស្វាវាគ្មានចៃនៅលើខ្លួនដូចដែលយើងគិតនោះឡើយ។ តាមការពិត នៅពេលណាដែលមានអាកាសធាតុក្ដៅ វានឹងបណ្ដាលអោយស្វាបែកញើស រួចញើសទាំងនោះក៏ក្រៀមទៅជាសារជាតិអំបិល។ លុះយូរថ្ងៃទៅ វាលាយឡំជាមួយក្អែលដែលនៅលើស្បែកស្វាទាំងនោះផង ក៏បង្កើតអោយមានជាក្រាមអំបិលឡើងជាប់នឹងស្បែកខាងលើ របស់វា គឺមានកម្រិតរហូតដល់ 0.9 % ឯណោះ។ ម៉្លោះហើយពួកវាមិនមែនស៊ីចៃនោះឡើយ គឺពួកវារកសារជាតិអំបិលនៅលើស្បែកដើម្បីស៊ី។ ពិសេសបើយើងពិនិត្យអោយបានម៉ត់ចត់ នោះយើងនឹងឃើញថាពេលខ្លះក៏វាស៊ីអំបិលញើសដែលនៅលើខ្លួនឯងផងដែរ។
សូមបញ្ជាក់ផងដែរថា សត្វមានជីវិតទាំងអស់តែងត្រូវការសារជាតិអំបិលខនិជជានិច្ច គ្រាន់តែត្រូវការតាមប្រភេទសត្វតូច រឺ ធំ និង តិចរឺ ច្រើនប៉ុណ្ណោះ។ តួយ៉ាងដូចជាសត្វដំរីទឹកមួយក្បាលដែលត្រូវការជាតិអំបិលច្រើនជាងគេក្នុងមួយថ្ងៃៗ គឺប្រហែល៦០០ ក្រាមឯណោះ។
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
