គ្រូល្បី ជ័យ ថាវី បង្ហាញបច្ចេកទេសប្រើសារធាតុគីមី លាងសារធាតុគីមីពីបន្លែ

2017-04-05 09:05:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រើថ្នាំគីមីបាញ់លើបន្លែ ជាវិធីការពារ និងកម្ចាត់សត្វល្អិតចង្រៃ ដ៏ពេញនិយមរបស់ប្រជាកសិករ ប៉ុន្តែទង្វើនេះបានធ្វើឱ្យប៉ះពាល់ខ្លាំង ដល់សុខភាពអ្នកទទួលទាន។ ដោយមើលឃើញ និងចង់ឱ្យប្រជាជនខ្មែរ យល់ដឹងពីបញ្ហានេះ លោកគ្រូ ជ័យ ថាវី ប្រធានដេប៉ាត់ម៉ង់គីមី នៃសាកលវិទ្យាល័យភូមិន្ទភ្នំពេញ បានបង្ហាញបច្ចេកទេស ប្រើសារធាតុគីមី លាងសារធាតុគីមីពីបន្លែ ប្រកបដោយប្រសិទ្ធភាពខ្ពស់។

បន្លែណាមានសត្វល្អិតស៊ីស្លឹក បង្ហាញថា ជាបន្ថែធម្មជាតិ ប៉ុន្តែមិន ១០០% ទេ ដោយលោកគ្រូ ជ័យ ថាវី ប្រាប់ក្នុងន័យថា មេមិនដែលនៅក្រោមកូនឡើយ។

“យើងចំណាំឱ្យបន្លែណាដង្កូវស៊ីច្បាស់ជាធម្មជាតិ តែអ្នកដាំខ្លះឆ្លាត សត្វល្អិតស៊ីហើយ បានបាញ់ថ្នាំតាមក្រោយ។ អ៊ីចឹងវិធីដែលល្អ មានតែប្រើទឹកលាងបន្លែ សូលុយស្យុង ប៉ូតាស្យូម ពែម៉ង់កាណាត"។

របៀបប្រើ

-ទឹកសូលុយស្យុង ប៉ូតាស្យូម ពែម៉ង់កាណាត ១ មីលីលីត្រ ប្រើទឹក ១ លីត្រ (ទឹកប៉ុន្មានលីត្រ ត្រូវដាក់សូលុយស្យុងប៉ុណ្ណឹងដែរ) -ត្រូវត្រាំបន្លែរយៈពេល ១០ នាទី -បន្ទាប់មក លាងសម្អាតបន្លែដោយប្រើទឹកស្អាត ២ ឬ ៣ ដងជាការស្រេច។ នោះបន្លែដែលមានជាតិគីមី នឹងប្រែក្លាយជាបន្លែធម្មជាតិ គ្មានជាតិពុល

លោកបន្តថា ទឹកលាងបន្លែនេះ គឺអាចលាងជម្រះសារធាតុគីមី ចេញពីបន្លែបាន ១០០%។ "យើងប្រមូលបន្លែនៅភ្នំពេញជាពិសេសផ្សារដើមគរតែម្ដង មកធ្វើពិសោធន៍។ លទ្ធផលបង្ហាញថា យើងបានជោគជ័យ។ យើងបានធ្វើពិសោធរយៈពេល ៦ ខែ ហើយទឹកលាងបន្លែនេះទៀតសោត មិនធ្វើឱ្យប៉ះពាល់សុខភាពឡើយ...មិនពាក់ស្រោមដៃក៏បាន"។

ទស្សនាវីដេអូ!

https://www.youtube.com/watch?v=resESJOx1Hk&feature=youtu.be

ការបង្ហាញរបស់ជ័យ ថាវី បានធ្វើឡើងកាលពីម្សិលមិញ នៅហាងបម្រើសេវាម្ហូបអាហារ និងដឹកជញ្ជូនដល់ទីកន្លែង "ខ្ទឹមស" ដែលនឹងបើកឱ្យដំណើរ ក្នុងពេលឆាប់ៗខាងមុខ ហើយនេះក៏ជាលើកទីមួយដែរ ដែលលោកគ្រូគីមីវិទ្យាបានធ្វើបទបង្ហាញបង្ហាញ។

ម្ចាស់ហាង "ខ្ទឹមស" លោក ប៉ែន មិថុនា ប្រាប់ Sabay ថា ការបង្ហាញនេះក៏ដោយសារតែ មិនសូវជាមានហាងច្រើនទេ ដែលប្រើទឹកលាងបន្លែសូលុយស្យុង ប៉ូតាស្យូម ពែម៉ង់កាណាត។ ម្យ៉ាងចង់បង្ហាញថា ក្រៅបម្រើអាហារដល់ភ្ញៀវ ម្ចាស់ហាងក៏ត្រូវគិត ដល់សុខភាពអតិថិជនជាចម្បងផងដែរ។