ភេសជ្ជៈរសជាតិឆ្ងាញ់ហើយ ជួយសម្រកក្បាលពោះបានឆាប់រហ័សទៀត!

2017-04-06 03:08:29
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សមួយចំនួនប្រហែលជាកំពុងទើសទាល់ជាមួយខ្លួនឯងដែលមានក្បាលពោះធំហើយមែនទេ? កុំបារម្ភ! ថ្ងៃនេះសប្បាយដើរ សូមណែនាំរូបមន្តភេសជ្ជៈធម្មជាតិ ២ ប្រភេទ ដែលធ្វើឱ្យក្បាលពោះរាបស្មើបានយ៉ាងឆាប់រហ័ស ហើយវាថែមទាំងមានរសជាតិឆ្ងាញ់ទៀតផង៖

១. ក្រូចឆ្មារសូដា

គ្រឿងផ្សំ៖

ក្រូចឆ្មារ ៥ ផ្លែ

ស្ករស

សូដា ១ លីត្រ

ជីអង្កាម

ទឹកកក

វិធីធ្វើ៖ ច្របាច់ក្រូចឆ្មារទាំង ៥ ផ្លែយកទឹក រួចលាយជាមួយស្ករសក្នុងបរិមាណសមល្មមកូរឱ្យសព្វហើយដាក់ជាមួយសូដា ។ ទទួលទានមួយកែវមុនពេលចូលគេងដោយដាក់បន្ថែមជាមួយទឹកកកនិងជីអង្កាម។

២. ក្រូចឆ្មារសូដាខ្ញី

គ្រឿងផ្សំ៖

ក្រូចឆ្មារ ៤ ផ្លែ

ស្ករស

ខ្ញី

សូដា ១ លីត្រ

ទឹកសុទ្ធកន្លះកែវ

ជីអង្កាម

ទឹកកក

វិធីធ្វើ៖ ច្របាច់ក្រូចឆ្មារយកទឹក រួចយកស្ករសក្នុងបរិមាណសមល្មមលាយជាមួយទឹកសុទ្ធដាំលើចង្រ្កានឱ្យឡើងខាប់ បន្ទាប់មកយកខ្ញីចិញ្ច្រាំឱ្យម៉ត់ដាក់ក្នុងទឹកស្ករនោះ ។ លាយទឹកក្រូចឆ្មារជាមួយល្បាយទឹកស្ករនិងសូដា ហើយនៅពេលទទួលទានគ្រាន់តែបន្ថែមទឹកកកនិងជីអង្កាមជាការស្រេច។