អ្នកចូលចិត្តស្ងៀមស្ងាត់ ឥឡូវនៅជប៉ុនបើកដំណើរការ Silent Taxi ទៀត!
- 2017-04-14 02:40:00
- ចំនួនមតិ 0 | ចំនួនចែករំលែក 0
អ្នកចូលចិត្តស្ងៀមស្ងាត់ ឥឡូវនៅជប៉ុនបើកដំណើរការ Silent Taxi ទៀត!
ចន្លោះមិនឃើញ
ប្រសិនបើអ្នកជាជំពូកមនុស្សស្ងៀមស្ងាត់ ហើយបានទៅលេងប្រទេសជប៉ុន នេះអាចជាព័ត៌មានល្អបំផុត។ ក្រុមហ៊ុនរថយន្តតាក់ស៊ីប្រទេសជប៉ុនមួយមានឈ្មោះថា Miyako Taxi បានចាប់ផ្តើមបើកដំណើរការប្រភេទតាក់ស៊ីស្ងៀមស្ងាត់ ឫយើងអាចហៅបាន Silent Taxi ដែលវាជាសេវាតម្រូវឱ្យអ្នកបើកបររថយន្តមិននិយាយអ្វីទាំងអស់ទៅកាន់អតិថិជន។
យោងតាមប្រភពគេហទំព័រមួយបានបញ្ជាក់ថា ប្រភេទតាក់ស៊ីខាងលើមិនខុសពីតាក់ស៊ីដទៃទៀតដោយគ្រាន់តែអ្នកបើកបរមិននិយាយអ្វីទាំងអស់ លើកលែងតែពាក្យស្វាគមន៍ដំបូងទៅកាន់អ្នក បញ្ជាក់ពីផ្លូវគោលដៅដែលអ្នកត្រូវទៅ និងក្នុងករណីបន្ទាន់ណាមួយប៉ុណ្ណោះ។
បញ្ជាក់ថាមានប្រមាណ ១០ រថយន្តហើយដែលកំពុងដំណើរការសេវាខាងលើក្នុងទីក្រុងក្យូតូប្រទេសជប៉ុន នៃរថយន្តតាក់ស៊ីធម្មតាទាំង ៣៥៤ គ្រឿងទៀតរបស់ក្រុមហ៊ុន Miyako ។
ខាងក្រុមហ៊ុនផ្ទាល់ ក៏បានថ្លែងថា តាមការកត់សម្គាល់របស់ពួកគេ អតិថិជនអ្នកជិះមួយចំនួនគាត់មិនចូលចិត្តការនិយាយលេងសើចច្រើននោះទេ ដោយគ្រាន់តែចង់ទទួលបានភាពរីករាយក្នុងការធ្វើដំណើរដោយមានភាពស្ងប់ស្ងាត់មួយប៉ុណ្ណោះឯង។
ប្រភព៖ mashable
ប្រែសម្រួល៖ កៅ រក្សា
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
