មហោស្រពពិព័រណ៏ វិទ្យាសាស្រ្ត បច្ចេកវិទ្យា វិស្វកម្ម និងគណិតវិទ្យា
- 2017-04-26 07:33:14
- ចំនួនមតិ 0 | ចំនួនចែករំលែក 0
មហោស្រពពិព័រណ៏ វិទ្យាសាស្រ្ត បច្ចេកវិទ្យា វិស្វកម្ម និងគណិតវិទ្យា
ចន្លោះមិនឃើញ
មហោស្រពពិព័រណ៍វិទ្យាសាស្ត្រកម្ពុជា លើកទី១៣ ត្រូវបានរៀបចំឡើង ដោយក្រសួងអប់រំយុវជន និងកីឡា អង្គការពិព័រណ៍វិទ្យាសាស្ត្រកម្ពុជា និងអង្គការស្ទីមកម្ពុជា នាថ្ងៃទី២៩ និង៣០ ខែមេសា ឆ្នាំ២០១៧ នៅមជ្ឈមណ្ឌលកោះពេជ្រ អាគា A B និងC ចាប់ពីម៉ោង ៩:០០ ព្រឹក ដល់ ម៉ោង៦:០០ល្ងាច។ គោលបំណង នៃពិព័រណ៍វិទ្យាសាស្ត្រកម្ពុជាលើកទី១៣នេះគឺ ដើម្បីផលិត និងបង្ហាញជាពិសេសចំណាប់អារម្មណ៍នៅក្នុងមហោស្រពដែល ពោរពេញដោយការអប់រំនៅក្នុងប្រទេស ហើយជាកត្តាជួយជំរុញយុវជនកម្ពុជា អោយមានការសម្រេចចិត្ត និងបន្តអាជីពក្នុង ផ្នែកវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា(STEM) ។ ជាពិសេសក៏មានការចូលរួមដោយសិស្សានុសិស្សមកពីប្រទេសផ្សេងៗគ្នា បង្ហាញពិសោធន៍ដែលទើបតែរកឃើញថ្មីៗ ដោយអ្នកស្រាវជ្រាវក្នុងមុខវិជ្ជា STEM ។ ជួបជាមួយវាគ្មិនគឺលោកបណ្ឌិត SheikhMuszapharShukor គឺជាអវកាសយានិក ជនជាតិម៉ាឡេស៊ី ក៏ត្រូវបានអញ្ជើញមកចូលរួមផងដែរ។ នាថ្ងៃសៅរ៍ ទី២៩ ខែមេសា វេលាម៉ោង ២:០០រសៀល លោកបណ្ឌិត Sheikh Muszaphar Shukor នឹងជជែកពិភាក្សាពីបទពិសោធន៍របស់លោក នៅក្នុងដំណើរលើលំហអាកាស និងការស្រាវជ្រាវផ្សេងៗទៀតនៅក្នុងយានអវកាស។ ការបង្ហាញផ្ទាល់នេះ នឹងនាំមកនូវការសាកល្បង នៅលើវេទិកា ព្រមទាំងមានភាពភ្ញាក់ផ្អើលផ្សេងៗ ជាបន្តបន្ទាប់ទៀត ។ សាធារណជនអាចចូលរួមទស្សនាមហោស្រពនេះដោយសេរី ឥតបង់ថៃ្ល។
អត្ថបទ៖ sao chanpisey