តោះ ! ទៅធ្វើម្ហូបមួយមុខនេះ ទឹកគ្រឿងពិសេស
- 2017-05-15 02:01:00
- ចំនួនមតិ 0 | ចំនួនចែករំលែក 0
តោះ ! ទៅធ្វើម្ហូបមួយមុខនេះ ទឹកគ្រឿងពិសេស
ចន្លោះមិនឃើញ
ទឹកគ្រឿងជាម្ហូបអាហារ ដែលប្រជាជនខ្មែរចូលចិត្តទទួលទានហើយមានគ្រឿងផ្សំពីប្រហុក នឹងសាច់ត្រី ផ្ទាប់ជាមួយនឹងអន្លក់ យ៉ាងឆ្ងាញ់ពិសា។ ចង់ដឹងថា ម្ហូបទឹកគ្រឿងនឹងមានគ្រឿងផ្សំអ្វីខ្លះ នឹងរបៀបធ្វើយ៉ាងណានោះ តោះ! អញ្ចឹងទៅអានអត្ថបទខាងក្រោមនេះពី៖
គ្រឿងផ្សំ
ត្រីរ៉ស់ ឬត្រីដៀប ដែលស្ងោរឆ្អិន(អាចយកត្រីឆ្អើរក៏បាន បុកឱ្យម៉ត់)
ប្រហុកចំហុយឆ្អិន ៣-៥ចង្វា ឬតាមការចូលចិត្ត
ខ្ទឹមស និង ខ្ទឹមក្រហម ២កំពឹសដំឲ្យបែក
ទឹកស្ងោរត្រី ២វែកសម្ល ឬស្មានទៅតាមសាច់ត្រី
ជីនាងវង ស្លឹកខ្លឹម ហាន់រៀងម៉ត់បន្តិច
ម្ទេស តាមការចូលចិត្តហាន់បញ្ឆិត
ក្រូចឆ្មា ១ផ្លែ ( ឬក៏អាចប្រើអំពិលទុំបាន)
បន្លែអន្លក់ ៖ ស្ដៅស្រុះ ត្រយូងចេក ផ្កាកំប្លោក ព្រលឹត ត្រសក់ ស្ពៃក្រញាញ់ និងមានបន្លែជាច្រើនទៀត (រៀបដាក់ចាន)
វិធីធ្វើ ៖
មុនដំបូងត្រូវយកត្រីដែលបានស្ងោរឆ្អិនមកបេះយកសាច់ បន្ទាប់មកបុកវាតែកុំឲ្យម៉ត់ពេក រួចហើយដាក់ចូលទៅក្នុងចានគោមមួយ។ យកទឹកស្ងោរត្រីនោះមកដាក់ជ្រំប្រហុកដែលចំហុយឆ្អិន ដាក់ទៅក្នុងចានត្រី ជាមួយនិងទឹកស្ងោរត្រីដែលនៅសល់ក៏ចាក់ចូលទាំងអស់ដែរ។ បន្ទាប់មកចាប់ផ្ដើមដាក់គ្រឿងចូល ប៊ីចេង អំបិល ស្ករស ខ្ទឹមស ខ្ទឹមក្រហម និងច្របាច់ក្រូចចូល កូរវាបញ្ចូលគ្នាឲ្យរលាយគ្រឿងសព្វ (ជូរឫផ្អែមទៅតាមចំណូលចិត្ត)។ ជាចុងក្រោយគ្រាប់តែដាក់ម្ទេស និងជីនាងវង ស្លឹកខ្ទឹមចូលនោះអ្នកអាចយកបន្លែអន្លក់មកញ៉ាំផ្ទាប់បានហើយ៕
អត្ថបទ៖ chanvutha yin