«The Mummy» រន្ធត់ដកដង្ហើមមិនចង់ទាន់
- 2017-06-09 10:15:00
- ចំនួនមតិ 0 | ចំនួនចែករំលែក 0
«The Mummy» រន្ធត់ដកដង្ហើមមិនចង់ទាន់
ចន្លោះមិនឃើញ
គ្រប់សាច់រឿងដែលចូលរួមសម្ដែងដោយតារាហូលីវូដដ៏ល្បីឈ្មោះលោក Tom Cruise តែងតែទទួលបានការគាំទ្រខ្លាំងដោយសារតែឈុតឆាកស្តែងៗធ្វើឲ្យអ្នកមើលសឹងតែភ្លេចដកដង្ហើម។ ជាមួយគ្នានេះដែររឿង «The Mummy» ដែលគ្រប់គ្នាទន្ទឹងរង់ចាំតាំងពីពេលចេញ Trailer ភ្លាមបានមកដល់ហើយ ។ «The Mummy» ជាខ្សែភាពយន្តលាយឡំឈុតបាញ់ប្រហារ មនោសញ្ចេតនា និងកំប្លែងមុខស្ងួតដែលធ្វើឲ្យអ្នកមើលទទួលបានទស្សនីយភាពគ្រប់ប្រភេទទាំងសប្បាយភ័យរន្ធត់និងអស់សំណើចក្នុងពេលតែមួយ។ ខ្សែភាពយន្ត «The Mummy» និយាយពីការត្រឡប់មកវិញរបស់ព្រះនាង Ahmanet នាសម័យបុរាណអេហ្ស៊ីបដែលបានកប់បាត់ក្រោមដីខ្សាច់ដ៏អាថ៌កំបាំងជាមួយបណ្ដាសារាប់ពាន់ឆ្នាំ។ អ្វីដែលកប់បាត់យូរទៅធ្វើឲ្យមនុស្សសម័យថ្មីមិនបានដឹងហើយបែរជាយល់ថាមានកំណប់នៅក្នុងផ្នូរបណ្ដាសាមួយនេះ ទើបធ្វើឲ្យមានការរុករកទៅដល់ទីនោះហើយគាស់កកាយវាចេញមក។ តើនឹងមានរឿងអ្វីកើតឡើងនៅពេលក្រុមមនុស្សចុះទៅដល់ផ្នូរដ៏អាថ៌កំបាំងមួយនោះ ដែលគេបានកប់ទុកជាយូរមកហើយជាមួយបណ្ដាសាដ៏គួរឲ្យខ្លាច? អ៊ីចឹងត្រូវតែទៅទស្សនាទាំងអស់គ្នានៅគ្រប់រោងភាពយន្តចាប់ពីថ្ងៃទី៩ឧសភាឆ្នាំ២០១៧នេះតទៅ។
អត្ថបទ៖ Nita