តើការហាត់ប្រាណបែបណាដែលអ្នកទាំងអស់ចូលចិត្ត?

2017-06-24 07:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សព្វថ្ងៃនេះមានមនុស្សជាច្រើនដែលកំពុងតែមានចំណូលចិត្តទៅលើការហាត់ប្រាណដើម្បីសុខភាពខុសៗគ្នា ដូចជាអ្នកខ្លះចូលចិត្តលេងបាល់ទាត់ ចូលចិត្តហែលទឹក ហាត់តៃក្វាន់ដូ និងហាត់ប្រាណនៅក្នុងក្លឹប ឬដើរហាត់ប្រាណតាមសួនជាដើម។ ចំពោះអ្នកទាំងអស់ តើចូលចិត្តការហាត់ប្រាណបែបណាដែរ?

១. ការហែលទឹក

ការហែលទឹក គឺជាការហាត់ប្រាណដ៏ល្អមួយសម្រាប់សុខភាពយើងផងដែរ ព្រោះវាអាចធ្វើឲ្យចលនានៃចង្វាក់បេះដូងលោតល្អ ដោយសារតែលំហាត់ប្រាណក្នុងទឹក។

២. ការលេងបាត់ទាត់

បាល់ទាត់ ជាកីឡាមួយដែលបុរសនិយមចូលចិត្តលេងបន្ទាប់ពីការសិក្សា ឬពីការធ្វើការ។ ជាទូទៅយើងឃើញថា បាល់ទាត់អាចធ្វើឲ្យយើងបញ្ចេញនូវសារធាតុពុលពីក្នុងខ្លួនតាមរយៈញើសដែលបានពីការរត់ទាត់បាល់ ហើយក៏អាចឲ្យអ្នកមានទំនាក់ទំនងល្អជាមួយអ្នកដ៏ទៃផងដែរ។

៣. តៃក្វាន់ដូ

នេះជាកីឡាមកពីប្រទេសកូរ៉េ ហើយកីឡានេះមិនត្រឹមតែធ្វើឱ្យសុខភាពល្អរឹងមាំប៉ុណ្ណោះទេ ថែមចេះក្បាច់ការពារខ្លួនទៀត។ កីឡានេះអាចហាត់បានទាំងប្រុសទាំងស្រី។

៤.ក្លឹបហាត់ប្រាណ

ការទៅហាត់នៅក្លឹបក៏មានភាពងាយម្យ៉ាងដែលសម្រាប់សុខភាពយើង។ វាក៏សម្រាប់អ្នកដែលចង់ហាត់យករាងនិងសាច់ដុំ ហើយនៅទីនោះ ក៏មានគ្រូបង្វឹកចាំបង្ហាត់បង្ហាញផងដែល។

៥. ការហាត់រាំតាមសួន

ការហាត់បែបនេះ គឺសម្រាប់អ្នកដែលគ្មានពេលវេលាគ្រប់គ្រាន់ ប៉ុន្តែវាក៏មានប្រសិទ្ធភាពដល់សុខភាពដែរ យើងធ្វើចលនាលើកដៃលើកជើងតាមចង្វាក់ភ្លេង ដែលអាចបញ្ចេញនូវញើសមកដែរ ហើយក៏អាចឱ្យអារម្មណ៍ស្រស់ស្រាយជាមួយភ្លេងទៀត។