Block 11 តំបន់យុវវ័យអាចញ៉ាំអាហារឆ្ងាញ់ៗសម្បូរបែប!

2017-07-16 05:36:33
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនដឹងថានឹងញ៉ាំអីមែនទេ? ចង់រកអីញ៉ាំដែលមើលប្លែកៗអត់? ថ្ងៃនេះ សប្បាយដើរ នឹងបង្ហាញកន្លែង Street Food មួយដែលអ្នកទាំងអស់គ្នានឹងចាប់អារម្មណ៍។ នោះគឺ Block 11 ដែលជាតំបន់យុវវ័យដែលអ្នកទាំងអស់អាចញ៉ាំអាហារឆ្ងាញ់ៗបានគ្រប់បែប។

សម្រាប់ទីកន្លែង រឹតតែមានបរិយាកាសប្លែកងាយស្រួលក្នុងការអង្គុយទទួលទានទៀត។ ចង់ដឹងទេថា នៅទីនោះមានអីដែលឆ្ងាញ់ៗប្លែកៗនោះ? តោះយើង៖

‑ស៊ុបភើម៉ូន ដែលជាអាហារបែបថៃ មានលក់ជាសាច់អាំង សាច់ក្រកអាំង ប្រហិតអាំង ដែលអាចញ៉ាំជាមួយនឹងបាយដំណើប ហើយមានតម្លែចាប់ពី២០០០រៀលឡើង។

‑មីគាវប៉ាវចិនមានជាប្រភេទមី គោកសាច់សាសៀវ គាវ និងទឹកស៊ុបដែលឈ្ងុយឆ្ងាញ់។

‑ហាង K-BOP ដែលជាអាហារបែបកូរ៉េ មានច្រើនប្រភេទ ដូចជាមីកូរ៉េ មីហិរ មីខ្មៅ ដែលគ្រាន់តែឃើញក៏លេបទឹកមាត់ដែរ ហើយមិនតែប៉ុណ្ណោះអ្នកអាចបន្ថែមគ្រឿងពីលើនឹងបានទៀត។

‑តោះ មកញ៉ាំមីស៊ុបម្ដង មានទាំងមីតុំយ៉ាំង និងមីខគោ នៅហាងមី S&M Noodle ដែលល្បីថាឆ្ងាញ់ជាងគេនៅបាក់ទូកក៏មានលក់នៅទីនោះដែរ។

‑ឃើញខ្មៅមូលៗហ្នឹងគឺជានំប៉ាវខ្មៅនោះអី មានទាំងនំស្នូលផ្អែម និងនំស្នូលប្រៃ។ អាចធានាបានថាឆ្ងាញ់គ្រប់មុខតែម្ដង។

បើចង់ញ៉ាំបាយក៏មានដែរ។ មានដូចជាបាយមាន់បំពង់ បាយមាន់ស្ងោរ រួមទាំងបបរគ្រឿងសាច់មាន់ទៀត ។

‑តោះ ចុងក្រោយគេគឺជាប្រភេទអាហារប៊ឺហ្គឺម្ដង ដែលមានទាំងដំឡូងបំពងទៀត។

និយាយពីថាមានគ្រប់មុខតែម្ដង ចង់បានបែបម៉េចក៏មានដែរ។ អ៊ីចឹងហា៎ បើពិបាករកកន្លែងញ៉ាំអីនោះ កុំភ្លេច Block 11 ដែលឆ្ងាញ់គ្រប់មុខតែម្ដង ហើយតម្លៃក៏សមរម្យទៀតចាប់ពី$៣ឡើងទៅ មានទាំងអាហារព្រឹករហូតដល់អាហារពេលល្ងាចទៀត ។