តោះ ទៅដើរលេងនៅផ្សាររាត្រីនៅប្រទេសថៃម្តងហ្អី!

2017-07-26 11:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឲ្យតែពេលទៅលេងនៅប្រទេសថៃម្តងៗ អ្នកណាខ្លះដែលខកខានមិនបានដើរតាមផ្សាររាត្រី ភ្លក់អាហារឆ្ងាញ់ៗ ទិញទំនិញតាមតម្រូវការ និងដើរមើលមនុស្សប្លែកនោះ? ការដើរទិញទំនិញនៅពេលរាត្រីបែបសប្បាយខ្លាំង។ និយាយបានថា ដើរដល់ដាច់ជើងចោលទៀតនោះ។ អីចឹងថ្ងៃនេះ អ្នកណាខ្លះកំពុងតែរកកន្លែងដើរទិញកម្សាន្តនានាពេលរាត្រីនោះ? មក! សប្បាយដើរ នឹងបង្ហាញពីផ្សាររាត្រី៣កន្លែងផ្សេងៗ ដែលអាចដើរទិញទំនិញ ញ៉ាំអាហារដ៏ឆ្ងាញ់តាមផ្លូវ ភ្លក់ភេសជ្ជៈត្រជាក់ៗ។ កុំរំលងឲ្យសោះណា បើបានទៅ៖

១. ផ្សាររាត្រី Srinakarin Railway

តោះ ដំបូងចាប់ផ្ដើមឡើងពីផ្សាររាត្រី Srinakarin Railway នេះ ដែលមានទីតាំងនៅលើផ្លូវ Srinakarin, Prawet ទីក្រុងបាងកក។ ផ្សាររាត្រីនេះចាប់បើកពីម៉ោង៣រសៀល ដល់ម៉ោង១២យប់។ មានតូបលក់សម្លៀកបំពាក់ គ្រឿងសម្អាង សម្ភារៈប្រើប្រាស់ ឬក៏ហាងអាហារជាច្រើនទៀតគ្រប់មុខតែម្ដង ដែលមានជាតំបន់ដាច់ៗពីគ្នា ដូចជា Plaza Zone ជាដើម ដែលចាប់បើកពីថ្ងៃអង្គារ៍ ដល់ថ្ងៃអាទិត្យ។

២. ផ្សារ Chiang Khan

តោះ យើងមកដើរក្នុងតំបន់ដែលសម្បូរអាហារឆ្ងាញ់ៗម្ដង។ នេះជាតំបន់ដែលមានបរិយាកាសបែបចំណាស់ ជាមួយនឹងផ្ទះឈើ ហើយនិងតូបនៅជាប់នឹងទន្លេមេគង្គ។ កន្លែងសាកសមសម្រាប់អ្នកដែលចង់សម្រាកឆ្ងាយពីទីក្រុង ហើយមិនមានភាពអ៊ូអរខ្លាំង។

៣. Cicada Market

សម្រាប់អ្នកដែលចូលចិត្តលក្ខណៈសិល្បៈ ឬវត្ថុសិល្បៈធ្វើពីដៃ អាចមកដើរកម្សាន្តនៅទីនេះ ឬក៏អ្នកដែលចូលចិត្តប្រមូលនូវសិល្បៈចាស់ៗទាំងនោះ។ ហើយនៅទីនោះមានចែកចេញជា៣តំបន់៖ តំបន់របស់ធ្វើដោយដៃ តំបន់តន្ត្រី និងតំបន់អាហារ ដែលចាប់បើកតែ៣ថ្ងៃគឺ ថ្ងៃសុក្រ ថ្ងៃសៅរ៍ និងថ្ងៃអាទិត្យ។