Lub.d Hostel កន្លែងស្នាក់នៅដ៏អស្ចារ្យជាមួយបទពិសោធន៍ថ្មីនៃភាពស៉ីវិល័យ!

2017-08-11 07:51:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ខេត្តសៀមរាបជាទឹកដីប្រវត្តិសាស្ត្រដ៏អស្ចារ្យដែលទាក់ទាញភ្ញៀវទេសចរជាតិ និងអន្តរជាតិជាច្រើន សឹងតែជុំវិញពិភពលោកមកកាន់ទឹកដីនេះ ហើយនៅទីនោះក៏សម្បួរទៅកន្លែងស្នាក់ជាច្រើនផងដែរ មានទាំងសណ្ឋាគារ ផ្ទះសំណាក់ និង Hostel នានា ដែលមានលក្ខណៈខុសៗពីគ្នា។ តោះ! ថ្ងៃនេះ សប្បាយដើរនឹងណែនាំ Hostel មួយ ដែលមិនត្រឹមតែជាកន្លែងស្នាក់នៅធម្មតាទេ ប៉ុន្តែជា Hostel ដែលអាចឲ្យយើងទទួលបានបទពិសោធថ្មីនៅទីនោះទៀត ។

Lub.d Hostel ជាកន្លែងស្នាក់មួយដែលអស្ចារ្យទាំងបរិយាកាស និងការរៀបចំ ដែលមានលក្ខណៈមួយបង្ហាញអំពីប្រពៃណីខ្មែរ គឺរចនាបទតាមរបៀបភូមិអណ្ដែតទឹកដែលនៅក្នុងតំបន់កំពង់ធ្លុក និងបានបង្កប់អត្ថន័យយ៉ាងខ្លាំងនៅក្នុង Lub.d Hostel មួយនេះ។ Hostel នេះមានទាំងទីធ្លាដែលអាចឲ្យយើងសម្រាកលំហែអារម្មណ៍ អានសៀវភៅ កន្លែងសម្រាប់ជជែកកម្សាន្ត អាងហែលទឹក និងមានកន្លែងញ៉ាំអាហារបានទៀត ។

Lub.d Hostel មានបែកចែកការស្នាក់ជា២ប្រភេទ ដែលយើងអាចជ្រើសរើសបាន មានដូចជា Dorm និងប្រភេទបន្ទប់ផ្ទាល់ខ្លួន។

Lub.d Dorm ជាប្រភេទបន្ទប់ដែលស្នាក់នៅរួមគ្នាជាមួយនឹងអ្នកដ៏ទៃ ឬជាក្រុមស្រីប្រុសក៏បាន ហើយក៏មានបន្ទប់ Dorm សម្រាប់មនុស្សស្រីសុទ្ធ ដែលជាប្រភេទគ្រែ២ជាន់ និងអាចស្នាក់បាន១០នាក់ក្នុង១បន្ទប់។ សម្រាប់តម្លៃវិញ គឺ៩ដុល្លារសម្រាប់មនុស្សម្នាក់។ ការរចនាក្នុងបន្ទប់មានភាពងាយស្រួល សុវត្ថិភាពខ្ពស់ និងទាក់ទាញអារម្មណ៍របស់អ្នកស្នាក់នៅ។

រីឯ Lub.d Private Room គឺជាប្រភេទបន្ទប់សម្រាប់អ្នកដែលចូលចិត្តភាពស្ងប់ស្ងាត់ផ្ទាល់ខ្លួន ដែលមានបរិយាកាសប្រៀបដូចជាយើងកំពុងស្នាក់កន្លែងមួយដែលមានផាសុកភាព និងមានអារម្មណ៍ដូចបន្ទប់ផ្ទាល់ខ្លួន។ បន្ទប់ឯកជន គឺល្អឥតខ្ចោះសម្រាប់អ្នកធ្វើដំណើរដែលរំពឹងថា នឹងមានបន្ទប់ដែលមានគុណភាពដ៏អស្ចារ្យជាមួយនឹងស្តង់ដាអន្តរជាតិ និងបទពិសោធការគេងដ៏ល្អឥតខ្ចោះ។ សម្រាប់តម្លៃក៏សមរម្យ គឺ៣៩ដុល្លារក្នុងមួយយប់។