កម្មវិធី «ជិះកង់ដើម្បីការអាន» បានជិះដើរកម្សាន្ត ហើយអាចជួយសង្គមបានទៀត!

2017-08-25 07:44:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ជិះកង់ដើម្បីការអាន ជាកម្មវិធីដំណើរកម្សាន្តជិះកង់រៃអង្គាសប្រាក់ដើម្បីដើម្បីជួយដល់ក្មេងៗ ដែលសិក្សានៅបឋមសិក្សាចំនួន៤ ដែលស្ថិតនៅក្នុងខេត្តសៀមរាប។ ហើយសម្រាប់កម្មវិធីនេះ យើងនឹងជិះកង់ទៅតាមសាលា ដោយយកនូវជាសៀវភៅទៅចែកដល់ក្មេងៗ ហើយនឹងមានជាបទបង្ហាញដល់ក្មេងពីសារប្រយោជន៍នៃការអានសៀវភៅ ហើយជំរុញឲ្យក្មេងៗបណ្ដុះទម្លាប់នៃការអានសៀវភៅឲ្យបានច្រើន ក៏ដូចជាមានការទស្សនាកសិដ្ឋានបន្លែ ញ៉ាំអាហារថ្ងៃត្រង់រួមគ្នា ហើយក៏ការលេងហ្គេមជាក្រុម និងសកម្មភាពសប្បាយជាច្រើនទៀត។

សម្រាប់ការចូលរួមនេះមានប្រយោជន៍ណាស់ដែលជួយដល់សង្គម ជាពិសេសក្មេងនៅតាមសាលារៀន ដែលពង្រឹងសមត្ថភាព និងទម្លាប់ការអានរបស់ក្មេងឡើងវិញ ដោយថវិការបស់អ្នកចូលរួមនេះ យកទៅទិញជាសៀវភៅសម្រាប់ឧបត្ថម្ភ។ ហើយកម្មវិធីជិះកង់ដើម្បីការអាននឹងធ្វើឡើងរយៈពេញ១ថ្ងៃ នៅថ្ងៃអាទិត្យ ទី៣ ខែកញ្ញានេះ ដែលការចុះចូលរួមមានតម្លៃ១០ដុល្លារ ហើយនឹងទទួលបាននូវអាវយឺត១ កង់សម្រាប់ជិះ ទឹក អាហារសម្រន់ និងអាហារថ្ងៃត្រង់។