គន្លឹះជ្រើសរើសខោខូវប៊យដោយមិនបាច់ល
- 2017-09-16 06:00:00
- ចំនួនមតិ 0 | ចំនួនចែករំលែក 0
គន្លឹះជ្រើសរើសខោខូវប៊យដោយមិនបាច់ល
ចន្លោះមិនឃើញ
ពេលអ្នកត្រូវការទិញខោខូវប៊យនៅផ្សារម្ដងៗ ក៏ពិបាកចិត្តរឿងត្រូវដោះដូរខោដើម្បីលរ ព្រោះនៅទីសាធារណៈ វាមិនដូចផ្ទះខ្លួនឡើយ។ ដូច្នេះហើយបានSabay Derបានលើកយកគន្លឹះងាយៗមួយចំនួនដែលអ្នកអាចរកខោដែលសាកសមនឹងទំហំរបស់អ្នកដោយមិនបាច់លរចុះឡើងនោះទេ។
១ រុំចង្កេះខោជុំវិញករ
វិធីនេះមានការពេញនិយម ដោយអ្នកគ្រាន់តែចាប់ចុងចង្កេះខោទំាងសងខាង ហើយរុំទៅនឹងកររបស់អ្នក ប្រសិនបើវាប៉ះគ្នា នោះមានន័យថាវាល្មមនឹងចង្កេះអ្នកមែនទែនហើយ។
២ ប្រើកំភួនដៃ
គន្លឹះនេះគឺត្រូវការប្រើកំភួនដៃ ហើយក្ដាប់ប្រអប់ដៃរបស់អ្នកផងដែរ។ ប្រសិនបើប្រវែង ពីក្ដាប់ដៃទៅកំភួនដៃរបស់អ្នកល្មមនឹងចង្កេះខោ នោះមានន័យថាខោនោះល្មមនឹងអ្នកហើយ។
៣ ពិនិត្យមើលប្រវែង
ចង់ដឹងថាប្រវែងខោនោះល្មមនឹងអ្នកឬអត់ អ្នកគ្រាន់តែត្រដាងដៃរបស់អ្នកទំាងសងខាងឲ្យអស់ស្របពេលដែលអ្នកកាន់ជើងខោទំាងសងខាងផងដែរ ប្រសិនបើគូទខោនៅចំចង្ការរបស់អ្នក នោះមានន័យថាខោនោះមានប្រវែងសមល្មមនឹងអ្នកហើយ។
៤ ចង់ដឹងថាជើងអ្នកស៊កចូលខោរឹបនោះឬអត់?
ជួនកាលទិញខោខូវប៊យជើងរឹបនោះសមល្មមចង្កេះ និងប្រវែងតាមដែលបានប្រើគន្លឹះខាងលើហើយ តែបែរជាស៊កជើងមិនផុតខោទៅវិញ ដើម្បីជៀសវៀងបពញ្ហានេះ អ្នកអាចក្ដាប់ដៃរបស់អ្នក ហើយបើដៃកណ្ដាប់នោះស៊កជើងខោ បើវាផុត នោះមានន័យថាអ្នកអាចយកវាទៅគិតលុយបានហើយ។
ប្រភព៖ Brightside អត្ថបទ៖ ដេមី