កោះស្មាច់ ល្អបំផុតនៅថ្ងៃឈប់សម្រាក់ខាងមុខនេះ!!!

2017-09-20 02:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់ប្រិយមិត្តដែលមិនទាន់រកកន្លែងលំហែកាយ នៅថ្ងៃឈប់សម្រាក់ខាងមុខនេះ សប្បាយដើរសូមណែនាំ កោះស្មាច់ ដែលជាកោះដ៏ស្រស់ស្អាតមួយនៅ ខេត្តកោះកុង។ កោះស្មាច់គឺជាកោះដាច់ស្រយាលមួយនៅក្នុងខេត្តកោះកុង ដែលត្រូវចំណាយពេល ២០-៣០ នាទីដើម្បីធ្វើដំណើរពីកោះស្តេចទៅកាន់ទីនោះតាមរយៈទូក។ ចំណុចពិសេសរបស់កោះនេះគឺថាវាសឹងតែគ្មានមនុស្សរស់នៅ ខុសពីកោះស្តេចដែលមានសហគមន៍ធំមួយនៅទីនោះ។

ដោយសារតែភាពដាច់សង្វែង និងមិនសូវមានមនុស្សរស់នៅធ្វើឲ្យកោះនេះរក្សាបានភាពបរិសុទ្ធរបស់វាស្ទើតែទាំងស្រុង។ វាបង្កប់ជាមួយទេសភាពព្រៃពណ៌បៃតងខ្ចី រំលេចដោយផ្ទៃសមុទ្រពណ៌ខៀវស្រងាត់ និងអមដោយទេសភាពកោះផ្សេងៗនោះជុំវិញពេលយើងសម្លឹងមើលទៅផ្ទៃមហាសមុទ្រ ធ្វើឲ្យអ្នកទៅដល់បាត់អស់អារម្មណ៍ម៉ងសៅ។