ភាពយន្តខ្មែរល្បីៗជាច្រើននឹងមានការដាក់បញ្ចាំងឡើងវិញក្នុងមហោស្រពភាពយន្តដើម្បីសប្បុរសធម៌

2017-09-27 09:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តខ្មែរដែលល្បីៗ មានការគាំទ្រច្រើនពីទស្សនិកជននោះ នឹងមានការដាក់ចាក់បញ្ចាំងឡើងវិញក្នុងកម្មវិធីមហោស្រពភាពយន្តដើម្បីសប្បុរសធម៌។ មហោស្រពភាពយន្តដើម្បីសប្បុរសធម៌ដែលមានការរៀបចំឡើងដោយរោងភាពយន្ត Major Cineplex ដោយ Cellcard និងសហការជាមួយនឹងដៃគូធំៗជាច្រើនទៀត ដូចជា Sabay MVP បានរៀបចំមហោស្រពភាពយន្តនេះឡើង គឺក្នុងគោលបំណងសប្បុរសធម៌ដើម្បីជួយដល់សង្គម និងលើកស្ទួយដល់វិស័យភាពយន្តខ្មែរផងដែរ។

មហោស្រពភាពយន្តដើម្បីសប្បុរសធម៌នឹងចាប់ផ្ដើមចាក់បញ្ចាំងពីថ្ងៃពុធ ទី២៧ ខែកញ្ញា ដល់ថ្ងៃអាទិត្យ ទី១ ខែតុលាខាងមុខនេះ ហើយជាមួយខ្សែភាពយន្តខ្មែរល្អៗជាច្រើនបញ្ចាំងក្នុងតម្លៃតែ២ដុល្លារតែប៉ុណ្ណោះ ដែលនឹងចាក់បញ្ចាំងនៅរោងភាពយន្ត Major Cineplex។ អ្វីដែលរឹតតែអស្ចារ្យនោះ គឺថវិកាទាំងអស់ដែលបានមកពីការលក់សំបុត្រនឹងត្រូវយកទៅបរិច្ចាគឲ្យមន្ទីរពេទ្យគន្ធបុប្ផា និងអង្គការដើម្បីភាពញញឹមនៃកុមារ។ ហើយការដាក់បញ្ចាំងនេះ គឺមានរយៈពេលត្រឹមតែ៥ថ្ងៃប៉ុណ្ណោះ។ តោះ ណាត់មិត្តភ័ក្រ្ត ឬដៃគូទៅទស្សនាទាំងអស់គ្នាកុំឲ្យកន្លងឱកាសដ៏ល្អនេះ។

សម្រាប់តារាងម៉ោងបញ្ចាំងអ្នកទាំងអស់គ្នាមើលទៅកាន់រូបខាងក្រោម ឬក៏តាមរយៈផេក Major Cineplex Cambodia