សម្ភារដែលគួរដាក់តាមខ្លួនពេលទៅលេងកោះ

2017-11-07 23:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណើរកម្សាន្តទៅលេងកោះជាឱកាសដ៏ល្អមួយនៅរដូវរំហើយចុងឆ្នាំនេះ។ ជាឱកាសដែលយើងអាចផ្លាស់ប្ដូរបរិយាកាសនិងទទួលបានបទពិសោធន៍ប្លែកៗពីការដើរលេង។ អ្វីដែលសំខាន់គឺការរៀបចំរបស់របរដែលយើងនឹងត្រូវការនៅពេលនោះដើម្បីធ្វើឱ្យប្រាកដថានេះជាដំណើរទៅកាន់ភាពរីករាយ។

ឡេការពារកម្ដៅថ្ងៃ និងវ៉ែនតាការពារកម្ដៅថ្ងៃ

ពេលទៅលេងកោះភាគច្រើនគឺស្បែករបស់យើងស្ថិតនៅក្រោមកម្ដៅថ្ងៃ។ ដូចនេះដើម្បីចៀសវាងការរលាក ឬប្រតិកម្មផ្សេងៗ យើងគួរលាបឡេការពារកម្ដៅឱ្យបានញឹកញាប់ក៏ដូចជាការពារជំងឺមហារីកស្បែកដែលអាចបណ្ដាលមកពីកម្ដៅថ្ងៃ។

ថង់ផ្លាស្ទិច

នេះជាជំនួយការពិសេសមួយនៅពេលមានរបស់សើមត្រូវការវិចខ្ចប់។ ព្រោះយើងមិនអាចដាក់លាយឡំនូវរបស់សើមនិងស្ងួតទេ។

ស្បែកជើងផ្ទាត់

នៅលើកោះប្រាកដជាមានខ្សាច់និងទឹកសមុទ្រ។ បើចង់មានអារម្មណ៍មានផាសុខភាពងាយស្រួលក្នុងការដើរពីកន្លែងមួយទៅកន្លែងមួយនិងមិនខ្លាចខូចស្បែកជើង ស្បែកជើងផ្ទាត់ជាជម្រើសដ៏ឆ្លាតមួយ។

ទឹក!!!

ពេលអាកាសធាតុក្ដៅខ្លាំងជាពិសេសបន្ទាប់ពីស្ថិតនៅក្រោមកម្ដៅថ្ងៃ ឬការហែលទឹក អ្នកនឹងមានអារម្មណ៍ស្រេកទឹក។ កុំភ្លេចញ៉ាំទឹកព្រោះរាងកាយត្រូវការជាតិទឹកជាចាំបាច់។

ឧបករណ៍ចាក់ចម្រៀង និងសៀវភៅ

ឧបករណ៍សម្រាប់ស្ដាប់ចម្រៀងនិងសៀវភៅអាចជួយបំបាត់ភាពអផ្សុកសម្រាប់អ្នកដែលចូលចិត្តភាពស្ងាត់ស្ងៀមនិងចូលចិត្តអាន។ ការស្ដាប់ចម្រៀងដែលយើងចូលចិត្តហើយគយគន់មើលទេសភាពដ៏ស្រស់បំព្រងនៃទឹកសមុទ្រវានឹងនាំអារម្មណ៍អ្នកទៅកាន់ភាពស្រស់ស្រាយភ្លេចអស់ទុក្ខកង្វល់។