មានធ្លាប់បានដឹងទេអំពីគុណប្រយោជន៍នៃការហាត់ដាក់ជើងបញ្ឈរទៅជញ្ជាំងដែរឬទេ?

2017-11-13 10:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចង់ដឹងទេថា ការហាត់ដាក់ជើងអ្នកបញ្ឈរឡើងឲ្យខ្ពស់ នឹងមានអ្វីកើតឡើងជាមួយនឹងរាងកាយរបស់អ្នកនោះ ? អ្នកនឹងភ្ញាក់ផ្អើលជាមួយនឹងលទ្ធផលប្រសិនបើអ្នកអនុវត្តន៍ធ្វើហាត់ប្រាណបែបនេះជារៀងរាល់ថ្ងៃនោះ។ ហើយការធ្វើបែបនេះវាបានផ្ដល់នូវអត្ថប្រយោជន៍ជាច្រើនសម្រាប់រាងកាយរបស់យើងជាពិសេសសម្រាប់គ្រោងសាច់ដុំ និង សាច់ដុំរបស់យើង។ តោះ ! អញ្ចឹងសប្បាយដើរនឹងបង្ហាញអ្នកនូវការពិតដ៏គួរឱ្យចាប់អារម្មណ៍បំផុតអំពីការលំហាត់ប្រាណបែបបញ្ឈរជើងឡើងជញ្ជាំងនោះ។

១. លំហាត់បែបនេះអាចជួយឲ្យរាងកាយបានសម្រាក

ការដាក់ខ្លួនទម្រេតនៅលើឥដ្ឋហើយដាក់ជើងរបស់អ្នកឡើងលើជញ្ជាំង ឥរិយាបថបែបនេះ នឹងផ្តល់នូវការសម្រាកដល់ខ្លួននិងជើង ។ធ្វើបែបប្រហែល ពី១០នាទី ទៅ៣០នាទី នោះក៏ជួយសម្រួលដល់អារម្មណ៍ស្ងប់ស្ងាត់ផងដែរ ។

២. ជួយសម្រួលដល់ចរន្តឈាមដំណើរការបានល្អ

ការធ្វើលំហាត់បែបនេះ វាអាចឲ្យចរន្តឈាមរត់បានប្រសើរនៅក្នុងរាងកាយ។ ប្រសិនបើអ្នកធ្វើបែបនេះរាល់ព្រឹកលំហូរឈាមរបស់អ្នកនឹងត្រូវបានបង្កើនហើយរាងកាយរបស់អ្នកនឹងមានថាមពល។

៣.នឹងជួយឱ្យសាច់ដុំនៅត្រង់ករបស់អ្នកសម្រាកនិងបំបាត់ភាពចុករោយ

លំហាត់ដាក់ជើងបញ្ឈរនេះ វាជួយបន្ធូរភាពតានតឹងនិងការឈឺចាប់នៅត្រង់កបាន។ នៅពេលណាដែលអ្នកមានអារម្មណ៍ថាចុករោយនៅក អ្នកគួរតែដាក់នៅខ្លួនលើកម្រាលឥដ្ឋជាមួយនឹងជើងនៅលើជញ្ជាំង។ ប៉ុន្តែក្នុងករណីណាមួយដែលអ្នកធ្លាប់មានរបួសនៅត្រង់ករ ត្រូវពិភាក្សាជាមួយនឹងវេជ្ជបណ្ឌិតជាមុន ធ្វើលំហាត់នេះ។

៤.ធ្វើមានអារម្មណ៍ល្អប្រសើរបន្ទាប់ពីការហាត់ប្រាណយ៉ាងខ្លាំង

បន្ទាប់ពីការហាត់ប្រាណប៉ះទង្គិចខ្លាំងរបស់សាច់ដុំ ឬសរសៃនោះ ការដាក់ជើងខ្ពស់ជាងដងខ្លួននេះអាចខ្លួនប្រាណអ្នកមានដំណើរការល្អប្រសើរឡើងវិញ។

ខ្ញុំគិតថាទាំងនេះគឺជាហេតុផលគ្រប់គ្រាន់សម្រាប់អ្នកដើម្បីចាប់ផ្ដើមធ្វើលំហាត់នេះ។ ព្យាយាមហាត់បែបនេះជារៀងរាល់ថ្ងៃនៅពេលក្រោកពីដេក ឬក៏ភ្ញាក់ពីគេងសម្រាប់អ្នកដែលមិនបានទៅហាត់ប្រាណនោះ មិនយូរអ្នកនឹងឃើញលទ្ធផលហើយ។

ប្រភព៖ gofit-stayfit ប្រែសម្រួល៖ chanvutha yin

ពាក្យទាក់ទង

Work out

ភ្ជាប់ទំនាក់ទំនងជាមួយ Sabay Der

អត្ថបទថ្មី

តោះ! មកដឹងពីប្រវត្តិ និងរឿងរ៉ាវខ្លះៗអំពីនំបញ្ចុកខ្មែរ

ទៅដើរលេងជាមួយ Best friend កុំរំលងស្ទីលស្លៀកពាក់អស់ទាំងនេះណា៎

គ្រឿងអលង្ការស្អាតដូចដួងខែ លើកសម្រស់ឥតខ្ចោះ

ម៉ូតសក់សម្រាប់មិត្តនារីសក់ខ្លីពេលចូលរួមកម្មវិធី

ប្លែកតែសប្បាយ! ហាត់រ៉កនឹកឃើញនាំភ្ញៀវស្លៀកឈុតដេកយប់ជប់លៀង អបអរខួប ២ឆ្នាំនៅភ្នំពេញ

ខោខូវប៊យជាមួយអាវរលុងធំៗដឹងតែស័ក្ដិសមត្រូវម៉ាច់សម្រាប់ខែរងារ