ពេលទៅដើរលេងមានគ្នាច្រើនគួររៀបប្លង់ថតរូបបែបណាឱ្យស្អាត?

2017-11-13 12:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាធម្មតាការថតរូបជាក្រុមមាន៣ប្រភេទ, ទីមួយការថតបែបជាផ្លូវការជាមួយក្រុមការងារ, ហើយទីពីគឺការថតរូបដើរលេងជាមួយមិត្តភ័ក្ដិ, និងទីបីនោះគឺថតរូបបែបគ្រួសារ។ អត្ថបទនេះនឹងឱ្យជាគំនិតក្នុងការរៀបចំប្លង់ថតរូបជាក្រុមដល់មិត្តអ្នកអាន។

១. ពេលថតរូបជាក្រុមដែលមានគ្នាច្រើនយើងមិនអាចមើលបានសព្វជ្រុងជ្រោយនោះទេ។ វាជាការធម្មតាទេសំខាន់ចាត់ទុកថាមនុស្សក្នុងក្រុមជាវត្ថុមួយហើយត្រូវរៀបចំប្លង់ធ្វើយ៉ាងណាឱ្យឃើញគ្រប់គ្នា។

២. ប្លង់នេះគឺការរៀបចំមនុស្សទៅតាមកម្ពស់។ ហើយប្លង់នេះគឺសម្រាប់ការចងក្រងជាឯកសារនិងមានលក្ខណផ្លូវការ។

៣. បើសិនជាអាច, រកវិធីដើម្បីបានប្លង់ថតដូចនៅក្នុងបន្ទប់ជណ្ដើរយន្ត។ ដោយអ្នកកាន់កាមេរ៉ាឈរនៅលើទីខ្ពស់ហើយក្រុមថតឈរជាក្រុមងើយមើលមកកាន់កាមេរ៉ា។

៤. របៀបឈរថតរូបដោយមានគម្លាត។ ប្លង់នេះល្អសម្រាប់ការថតរូបជាក្រុមតូច។ វាអាចនឹងមើលទៅមានភាពម៉ឺងម៉ាត់ប៉ុន្តែសាកសមនឹងការថតបែបលក្ខណក្រុមដូចជាក្រុមតន្ត្រីឬក្រុមការងារជាដើម។ បើមានមេក្រុមដាក់នៅពីមុខនឹងកាន់តែបង្ហាញពីភាពអង់អាច។