ឃ្លាដែលអ្នកគួរប្រើពេលចង់បដិសេធពីការសុំជំនួយពីអ្នកដ៏ទៃ
- 2017-11-15 02:20:00
- ចំនួនមតិ 0 | ចំនួនចែករំលែក 0
ឃ្លាដែលអ្នកគួរប្រើពេលចង់បដិសេធពីការសុំជំនួយពីអ្នកដ៏ទៃ
ចន្លោះមិនឃើញ
ពេលមានការសុំពឹងពាក់ពីសំណាក់មិត្តភ័ក្ដិឬក្រុមគ្រួសារនិយាយរួមគឺអ្នកដ៏ទៃហើយអ្នកមានការទើសទាល់ចិត្តមិនហ៊ាននិយាយបដិសេធរួចក៏តែងតែយល់ព្រមផ្ដល់ជំនួយហើយក៏តែងតែមានការមិនពេញចិត្តផងដែរ។
បើអ្នកមានអារម្មណ៍មិនល្អក្រោយពេលនិយាយថាទេទៅកាន់អ្នកសុំជំនួយពីអ្នកនោះជារឿងធម្មតាទេហើយវាក៏មិនទាស់ខុសអ្វីដែរ។ នោះក៏ព្រោះតែអ្នកគិតពីខ្លួនឯងក៏មិនមែនមានន័យថាអាត្មានិយមដែរ។ការជួយអ្នកដ៏ទៃដោយភ្ជាប់ជាមួយបញ្ញាគឺជាការសំខាន់ណាស់។ អ្នកមានសិទ្ធិសម្រេចជួយឬមិនជួយដោយប្រើការពិចារណា។ ព្រោះអ្នកគោរពនិងការពារខ្លួនឯងដែរ។ ការសម្រេចចិត្តនិយាយថាទេជាការផ្ដល់ចម្លើយពិតដល់អ្នកត្រូវការជំនួយ, នៅពេលដែលអ្នកមិនអាចជួយបាន។ តែបើអាចជួយបានត្រូវជួយដោយចិត្តស្មោះសរ!
ប៉ុន្តែការបដិសេធមិនអាចចេះតែនិយាយចេញដោយមិនគិតទេព្រោះវាអាចធ្វើឱ្យប៉ះពាល់និងអាចឈានដល់ការបែកបាក់មិត្តភាពឬធ្វើឱ្យគេស្អាប់ជាដើម។
បើអ្នកមានការទើសទាល់ឬគ្មានសមត្ថភាពនឹងជួយអ្នកអាចនិយាយថា:
-ខ្ញុំសុំពេលគិតមើលសិន
-ចាំខ្ញុំប្រាប់វិញ
-អគុណដែលតែងតែនឹកឃើញដល់ខ្ញុំតែខ្ញុំពិតជាមិនអាចជួយបានមែន
-ខ្ញុំដឹងថាវាសំខាន់តែខ្ញុំមិនអាចជួយបានទេ
-ចាំខ្ញុំជួយរកដំណោះស្រាយ
-ខ្ញុំក៏ចង់ជួយដែរតែខ្ញុំមានការងារច្រើនទៀតត្រូវធ្វើ
-សុំទោសខ្ញុំរវល់
-គួរឱ្យស្ដាយណាស់ខ្ញុំមិនអាចធ្វើវាបានទេ
-សុំទោសខ្ញុំមានណាត់
-ចាំថ្ងៃក្រោយចុះ
-ខ្ញុំគិតថាខ្ញុំមិនអាចធ្វើវាបានទេ
-សុំទោសខ្ញុំមិនសាកសមនឹងការងារនេះទេ
-ស្ដាប់ទៅសប្បាយដែរតែខ្ញុំមិនទំនេរទេ
ប្រភព៖ pinterest ប្រែសម្រួល៖ Sin Sovannleakhena