ធាតុពិតដែលស្ដែងចេញតាមរយៈសកម្មភាព ដែលអ្នកទាំងអស់គួរដឹង!!
- 2017-11-16 02:35:00
- ចំនួនមតិ 0 | ចំនួនចែករំលែក 0
ធាតុពិតដែលស្ដែងចេញតាមរយៈសកម្មភាព ដែលអ្នកទាំងអស់គួរដឹង!!
ចន្លោះមិនឃើញ
តើអ្នកធ្លាប់ចាប់អារម្មណ៍ពីសកម្មភាពមនុស្សដែលអ្នកកំពុងភ្ជាប់ទំនាក់ទំនងជាមួយទេ? តាមពិតទៅរាល់សកម្មភាពតែងតែបង្កប់នូវអត្ថន័យដែលបង្ហាញពីការគិតរបស់មនុស្សម្នាក់ៗ។
១.នៅពេលមនុស្សមួយក្រុមមានការផ្ទុះសំណើចម្នាក់ៗនៅក្នុងក្រុមតែងតែបែរទៅមើលមុខសមាជិកដែលគេមានភាពស្និទ្ធស្នាលជាមួយឬចង់រាប់អាន។
២.ពេលនិយាយជាមួយនរណាម្នាក់អ្នកអាចលួចមើលជើងរបស់មនុស្សម្នាក់នោះ, បើជើងរបស់គេបែរទៅរកទិសដៅផ្សេងនោះ មានន័យថាគេចង់បញ្ចប់ការសន្ទនាជាមួយអ្នកហើយ។
៣.ព្យាយាមប្រើភ្នែករបស់អ្នកមើលឱ្យចំភ្នែករបស់ដៃគូរសន្ទនារបស់អ្នកនោះគេនឹងកាន់តែមានអារម្មណ៍ស្និទ្ធស្នាលនឹងអ្នកហើយចូលចិត្តអ្នកច្រើនជាងមុន។
៤.បើអ្នកធ្វើការជាអ្នកទទួលភ្ញៀវនៅកន្លែងណាមួយ, ដាក់កញ្ចក់ពីក្រោយកន្លែងអង្គុយរបស់អ្នកនោះភ្ញៀវដែលមកជួបអ្នកនឹងមានឥរិយាបថប្រសើរដាក់អ្នកព្រោះគ្មាននរណាម្នាក់ចង់ឃើញខ្លួនឯងអាក្រក់ទេ។
៥.មនុស្សភាគច្រើនមិនយល់ពីភាពខុសគ្នារវាង "ចេះ" និង " ភាពជឿជាក់" ទេ។ ឱ្យតែអ្នកមើលទៅដូចជាមានភាពជឿជាក់បន្តិច, មនុស្សនាំគ្នាមករកអ្នក។
៦.នៅក្នុងអង្គប្រជុំមួយ បើអ្នកមិនចង់ឱ្យនរណានិយាយអាក្រក់ពីអ្នកទេនោះ, អង្គុយឱ្យកៀកនឹងម្នាក់នោះដូចនេះគេអាចនឹងមានអារម្មណ៍ខ្លាចរអាខ្លះៗដែរ។
៧.មុនពេលចូលសម្ភាសការងារចូរស្រមៃថាអ្នកដែលនឹងសម្ភាសអ្នកជាមិត្តចាស់របស់អ្នក។នោះក៏អាចកាត់បន្ថយការភ័យបានមួយចំនួនដែរ។
៨.ពេលអ្នកនិយាយថា "ខ្ញុំគិតថា" ឬ "ខ្ញុំជឿថា" នោះវាបង្ហាញថាអ្នកមិនមានភាពជឿជាក់លើខ្លួនឯង។
៩.ពេលមាននរណាម្នាក់ខឹងឬច្រណែននឹងអ្នកហើយអ្នកមិនខ្វល់នឹងឆ្លើយតបនោះគេនឹងកាន់តែក្ដៅក្រហាយហើយចាប់ផ្ដើមមានការខ្មាសអៀននឹងទង្វើរបស់គេនៅពេលក្រោយ។
ប្រភព៖ pinterest ប្រែសម្រួល៖ Sin Sovannleakhena