តោះ ត្រៀមខ្លួនទៅបោះជំរំ សម្រាប់ថ្ងៃឆ្លងឆ្នាំ ២០១៧នេះ

2017-12-04 04:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តើត្រៀមខ្លួនសម្រាប់ថ្ងៃឆ្លងឆ្នាំ ២០១៧នេះហើយឬនៅ? ទីកន្លែងណាដែលអ្នកនឹងទៅនៅពេលនោះ? តោះ អញ្ចឹង ទៅបោះតង់ឆ្លងឆ្នាំ២០១៧ ជាមួយនឹង អនុស្សារ ដែលជាការបោះជំរំលើកទី១០នៅភូមិភាគ ឦសាន ខេត្តមណ្ឌលគីរី នានិទាឃៈរដូវ នេះ។

រូបភាព Anussa Event Planner

Anussa នឹងរៀបចំការបោះជំរំលើកទី ១០ នេះរយៈពេល ២យប់ ៣ថ្ងៃ ចាប់ពីថ្ងៃទី៣០ ខែធ្នូ ឆ្នាំ២០១៧ ដល់ ថ្ងៃទី១ ខែមករា ឆ្នាំ២០១៨។ ហើយមានសកម្មភាពដែលសប្បាយជាច្រើនក្នុងដំណើរកម្សាន្តនេះ ដែលអ្នកនឹងចាប់អារម្មណ៍ ។

រូបភាព Anussa Event Planner

ត្រៀម ស្ពាយខ្នើយ ពូកនិងភួយរបស់អ្នកមកបោះតង់គេងមើលផ្កាយ និង ស្រូបយកខ្យស់អាកាសធាតុត្រជាក់នៅលើកំពូលភ្នំនានិទាឃរដូវនេះ។ ដើរព្រៃសំដៅទឹកជ្រោះ ឈាងចូលលេងភូមិជនជាតិដើមភាគតិច មើលថ្ងៃលិចលើខ្នងព្រៃ មើលថ្ងៃរះពីលើកំពូលភ្នំ។

រូបភាព Anussa Event Planner

យប់ឡើង លេងភ្លេង គេងមើលផ្កាយ ជជែកគ្នាលេង (និយាយរឿងខ្មោច) ហើយអង្គុយចាំមើលបណ្តុំផ្កាយ Milkyway (តែហាមគេងលក់ចោលគ្នា) ឆ្លងឆ្នាំចាស់ជាមួយគ្នា។ ហៅគ្នី ហៅគ្នាមក មិត្តភ័ក្ដិក៏បាន ដៃគូរក៏បាន មិត្តរួមការងារក៏បាន។