ល្អបំផុត! ទៅរៀន៣ប្រទេសកំពូលៗនេះ មិនអស់លុយមួយរៀល មានគ្រប់កម្រិត

2017-12-27 10:02:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងអប់រំ យុវជន និង កីឡា នៃព្រះរាជាណាចក្រកម្ពុជា បានចេញសេចក្ដីជូនដំណឹងជាបន្តបន្ទាប់អំពីអាហារូបករណ៍ទៅសិក្សានៅក្រៅប្រទេស។ ខាងក្រោមនេះជាអាហារូបករណ៍ ៣ប្រទេសផ្សេងគ្នា កំពុងត្រូវការនិស្សិតកម្ពុជាទៅសិក្សា៖

១. អាហារូបករណ៍ទៅសិក្សានៅប្រទេសជប៉ុន

ក្រសួងអប់រំ វប្បធម៌ កីឡា វិទ្យាសាស្ត្រ និងបច្ចេកវិទ្យាជប៉ុន បានផ្ដល់អាហារូបករណ៍ដល់និស្សិតកម្ពុជាទៅសិក្សានៅប្រទេសជប៉ុន ឆ្នាំ២០១៨ ។ អាហារូបករណ៍នេះនឹងផុតកំណត់ទទួលពាក្យនៅថ្ងៃទី ៨ ខែមករា ឆ្នាំ២០១៨។ ចុចត្រង់នេះដើម្បីបំពេញបែបបទ

ដាក់ពាក្យ ៖ ស្ថានទូតជប៉ុនប្រចាំនៅកម្ពុជា
ទីតាំងផ្ដល់ពាក្យអាហារូបករណ៍៖ ការិយាល័យអាហារូបករណ៍ និងកម្មសិក្សា នៃនាយកដ្ឋានទំនាក់ទំនងវប្បធម៌ និងអាហារូបករណ៍ អគារលេខ ៨០ មហាវិថីព្រះនរោត្តម(ស្ថិតនៅក្នុងទីស្ដីការក្រសួងអប់រំ យុវជន និងកីឡា)

ក្រៅពីអាហារូបករណ៍ខាងលើ សាកលវិទ្យាល័យ United Nations University នៃប្រទេសជប៉ុនក៏បានផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ដល់និស្សិតកម្ពុជាដូចគ្នា និងផុតកំណត់ទទួលពាក្យនៅថ្ងៃទី ២៨ ខែកុម្ភៈ ឆ្នាំ២០១៨។ ចុចត្រង់នេះដើម្បីបំពេញបែបបទ

២. អាហារូបករណ៍ថ្នាក់បរិញ្ញាបត្រនៅប្រទេសម៉ាឡេស៊ី

ក្រសួងអប់រំបានចេញសេចក្ដីជូនដំណឹងថា សកលវិទ្យាល័យ Xiamen University Malaysia ផ្ដល់អាហារូបករណ៍ថ្នាក់បរិញ្ញាបត្រសម្រាប់សិស្សកម្ពុជា ដែលប្រឡងជាប់បរិញ្ញាបត្រមធ្យមសិក្សាទុតិយភូមិ លើ១៣ មុខជំនាញ រយៈពេល០៣ ឆ្នាំ។ ដើម្បីបំពេញបែបបទ៖ ចុចត្រង់នេះ

ចំណែកឯសាកលវិទ្យាល័យTaloy's University ក៏ប្រកាសជ្រើសរើសនិស្សិតអាហារូបករណ៍ទៅសិក្សាថ្នាក់បរិញ្ញាបត្រជាន់ខ្ពស់ផងដែរ។ សូមចុចត្រង់នេះ ដើម្បីបំពេញបែបបទ៖ ចុចត្រង់នេះ

៣. អាហារូបករណ៍សិក្សារយៈពេលខ្លីនៅសហរដ្ឋអាមេរិក

អាហារូបករណ៍នេះ នឹងផុតកំណត់ទទួលពាក្យនៅថ្ងៃទី ៣១ ខែធ្នូ ឆ្នាំ២០១៧នេះហើយ។ ចំពោះព័ត៌មានបន្ថែម និងការបំពេញពាក្យ សូមចុចត្រង់នេះ