ឈប់បារម្ភទៅ អ្នកដែលមានបញ្ហាបបូរមាត់ខ្មៅស្រអាប់...

2018-01-23 05:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បញ្ហាមាត់ខ្មៅតែងតែកើតឡើងជារឿយៗ មិនថាជានារី ឬបុរស។ ជួនកាលក៏ដោយសារតែការប្រើផលិតផល ការបរិភោគ និងមកពីកំណើត។ យ៉ាងណាមិញ វិធីខាងក្រោមនេះនឹងជួយទប់ស្កាត់ និងលុបបំបាត់ភាពខ្មៅលើបបូរមាត់របស់អ្នក។

១. និយាយថាទេចំពោះបារី

បារីមានសារធាតុម្យ៉ាងដែលធ្វើឲ្យប៉ះពាល់សុខភាពហើយ ធ្វើឲ្យបបូរមាត់របស់អ្នកមានភាពស្រអាប់ទៀតផង។

២. បន្ថយការផឹកកាហ្វេ និងតែ

ការផឹកកាហ្វេ និងតែច្រើនលើសលុបពេក ធ្វើឲ្យធ្មេញ និងបបូរមាត់របស់អ្នកខ្មៅស្រអាប់។

៣ ជៀសវាងការប៉ះពាល់ដោយកម្ដៅថ្ងៃខ្លាំងពេក

ការដែលបបូរមាត់ប៉ះពាក់ដោយកម្ដៅថ្ងៃខ្លាំងពេក ធ្វើឲ្យបង្កជាតិមេឡានីន ដូច្នេះនៅពេលដែលអ្នកដឹងខ្លួនថានឹងប្រើពេលនៅខាងក្រៅយូរ អ្នកគួរតែលាបក្រែមការពារកម្ដៅថ្ងៃកុំឲ្យខាន។

៤. ពិនិត្យមើលក្រែមដែលអ្នកប្រើជាប្រចាំ

ការដែលអ្នកប្រើប្រាស់ក្រែមលាបមាត់ដែលមិនមានគុណភាព ឬហួសកំណត់ ផ្ដល់ផលប៉ះពាល់យ៉ាងខ្លាំងចំពោះសុខភាពបបូរមាត់របស់អ្នក។

៥. កុំខាំ ឬលិទ្ធបបូរមាត់

អ្នកខ្លះមានទម្លាប់មួយ គឺចូលចិត្តធ្វើឲ្យបបូរមាត់មានសំណើមដោយសារការលិទ្ធវាជារឿយៗ និងពេលខ្លះខាំវាដោយមិនដឹងខ្លួន ហើយចំណុចទាំងនេះហើយដែលធ្វើឲ្យបបូរមាត់របស់អ្នកកាន់តែស្ងួតទៅៗ និងឡើយក្រម៉ៅ។