ចង់បានបបូរមាត់ ពណ៌ស៊ីជម្ពូ ទន់ រលោងស្អាត កុំភ្លេចវិធីសាស្រ្តនេះណា៎!!

2018-02-25 00:21:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បបូរមាត់ស្ងួត ប្រេះ ហើយមានពណ៌ខ្មៅ គឺជាបញ្ហាធំបំផុតសម្រាប់មនុស្សស្រីយើងព្រោះថាវាធ្វើឲ្យសម្រស់ស្រកស្រុតខ្លាំងមែនទែន។ ស្រីៗគ្នាយើងបើសិនកំពុងជួបបញ្ហាអស់ទាំងនេះ កុំភ្លេច! សាកល្បងវិធីសាស្រ្តដូចខាងក្រោមនេះអ្ហា៎៖

គ្រឿងផ្សំ៖

១. មើមឆៃថាវពណ៌ឈាមជ្រូក (beetroot ) = ១មើមតូច

២. មើមការ៉ុត = ១មើមតូច

៣. ទឹកឃ្មុំ = ២ស្លាបព្រាបាយ

៤. ប្រេងអូលីវ = ១ស្លាបព្រាបាយ

វិធីធ្វើ៖

កិនមើម Beetroot និងការ៉ុតឲ្យម៉ត់ចូលគ្នា ចាក់ទឹកឃ្មុំ និងប្រេងអូលីវមួយស្លាបព្រាបាយចូលទៅក្នុងល្បាយដែលបានកិននោះ រួចកូរឲ្យសព្វល្អ។

របៀបប្រើ៖

យកសំឡីទៅជ្រលក់ចូលទៅក្នុងល្បាយដែលបានលាយរួចរាល់ ឲ្យជោគល្អ រួចយកទៅលាបឲ្យសព្វនៅលើបបូរមាត់ និងដុសថ្នមៗ ទុកមួយស្របកទើបលាងសម្អាតចេញវិញ។ ធ្វើបែបនេះ នៅរៀងរាល់ពេលចូលគេងទើបទទួលបានផលល្អ។ ចំពោះល្បាយដែលបានលាយហើយនោះអាចរក្សាទុកបានពី ១០-១២ថ្ងៃ។