មានអារម្មណ៍ថាងងុយគេងមែន? គន្លឹះ៨យ៉ាងនេះនឹងធ្វើអ្នកស្រស់ថ្លានៅពេលព្រឹកព្រលឹម...

2018-02-19 02:14:56
ចំនួនមតិ 0 | ចំនួនចែករំលែក 0

ចន្លោះមិនឃើញ

មានអារម្មណ៍យ៉ាងណាដែលនៅពេលដែលភ្ញាក់ពីគេងម្ដងៗនៅពេលព្រឹកព្រលឹម ? មានអារម្មណ៍ថាខ្ជិល មិនចង់ក្រោកទេមែនទេ? ននៀលទៅននៀលមកពេញលើគ្រែ ប្រើពេលយូរណាស់ទម្រាំដាច់ចិត្តក្រោកពីគេងរួច ។ ទាំងនេះអាចនឹងក្លាយទៅជាទម្លាប់អាក្រក់មួយប្រសិនបើយើងនៅតែប្រើពេលយូរដើម្បីក្រោកពីដំណេកបែបនេះ ។ យ៉ាងណាក៏ដោយក៏យើងចង់អោយរាល់ថ្ងៃ បន្ទាប់ពីភ្ញាក់ពីដំណេកមកមានភាពស្រស់ថ្លាដែរ។ ខាងក្រោមនេះ គឺជាវិធីមួយចំនួនដើម្បីបំបាត់ភាពងងុយគេងនៅពេលព្រឹកដូច្នេះអ្នកភ្ញាក់ឡើងដោយថាមពល គំនិតនិងអារម្មណ៍ស្រស់ថ្លា ៖

១. ចូលគេងពេលយប់នៅម៉ោងសមរម្យ

រាងកាយត្រូវការគេង យ៉ាងហោចណាស់៦ ទៅ៨ម៉ោង ទើបគ្រប់គ្រាន់នោះពេលដែលភ្ញាក់ឡើងនឹងមិនមានអារម្មណ៍ងងុយដេកនៅពេលព្រឹក។

២. ដាស់ស្មារតីខ្លួនឯងមុនពេលគេង

គួរណាស់តែមានទម្លាប់រំលឹកនូវអ្វីដែលអ្នកនឹងត្រៀមធ្វើនៅថ្ងៃស្អែក ដែលជាការដាស់តឿនខ្លួនឯងមុនពេលគេងដូចថា "ខ្ញុំនឹងភ្ញាក់ឡើងនៅព្រឹកថ្ងៃស្អែក (បញ្ជាក់ម៉ោង), មានអារម្មណ៍ស្រស់ថ្លា, ស្វាហាប់និងសប្បាយរីករាយ" ។

៣. ដាស់ស្មារតីខ្លួនឯងម្ដងទៀតពេលក្រោកពីគេង

នៅពេលអ្នកក្រោកពីព្រលឹមចូរក្រោកឡើងអង្គុយលើគ្រែរបស់អ្នកហើយនិយាយម្តងទៀតនៃ ការតាំងចិត្តរបស់អ្នក ឲ្យបានលឺៗ ឬក៏ស្ងាត់ៗ ដូចជា " ពេលព្រឹកដ៏ស្រស់ថ្លារបស់ខ្ញុំ ! ខ្ញុំនឹងជ្រើសរើសយកភាពរីករាយ និង ធ្វើឲ្យខ្លួនឯងរីករាយ សម្រាប់ថ្ងៃនេះ" ។

៤. ស្រូបពន្លឺព្រះអាទិត្យនៅពេលព្រឹក

ស្រូបយកពន្លឺព្រះអាទិត្យនៅពេលព្រឹកព្រលឹម បន្ទាប់ភ្ញាក់ពីគេងនឹងជួយឲ្យដល់ខួរក្បាល រាងកាយ មានភាពស្វាហាប់និងរឹងមាំ ហើយអារម្មណ៍ក៏ស្រស់ថ្លាទៅតាមនឹងដែរ។ គ្រាន់តែក្រោកឡើងហើយបើកបង្អួច ឲ្យមានពន្លឺចូលជាកាស្រេច។

៥. លុបលាង ឬងូតទឹក

កុំចាប់អារម្មណ៍ទៅលើអ្វីផ្សេង បន្ទាប់ពីភ្ញាក់ គ្រាន់តែ អ្នកចូលទៅ ក្នុងបន្ទប់ទឹក ហើយងូតទឹក នោះភាពត្រជាក់នៃទឹកនឹងបង្កើនភាពស្រស់ថា្លចេញពីក្នុងខ្លួនរបស់។

៦.ផឹកទឹកបន្ទាប់ភ្ញាក់

រាងកាយរបស់អ្នកអាចខ្វះជាតិទឹកបន្តិចបន្តួច ក្នុងអំឡុងពេលគេងដូចនេះញ៉ាំទឹកមួយកែវ នឹងធ្វើអោយអ្នកមានអារម្មណ៍ល្អនិងជួយអ្នកក្រោកពីដំណេកស្រួល។

៧. លំហាត់ប្រាណនៅពេលព្រឹក

ជំហានបន្ទាប់គឺត្រូវធ្វើលំហាត់ប្រាណខ្លះ ប៉ុន្តែក៏ អាស្រ័យទៅលើពេលវេលាដែលអ្នកមាននៅពេលព្រឹកដែរ។ ដូចជាពត់ខ្លួនប្រាណ លំហាត់ប្រាណស្រាល ដើម្បីបញ្ចេញញើសខ្លះប្រហែល ១០នាទី ឬក៏ អង្គុយធ្វើសមាធិក្នុងរយៈពេលខ្លី។