ចម្លែកបន្តិចមែន!! តែគួរឲ្យចង់នៅមែនទែន!!

2018-03-05 04:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសកូរ៉េខាងត្បូងគឺកន្លែងកម្សាន្តដ៏ពេញនិយមបំផុតសម្រាប់អ្នកទេសចរគ្រប់រូប មិនថានៅជិតឬក៏ឆ្ងាយឡើយ។ ក្រៅពីសម្បូរកន្លែងកម្សាន្តស្អាតៗជាច្រើនកន្លែងហើយ ប្រទេសមួយនេះក៏នៅមានកន្លែងសម្រាប់ស្នាក់នៅស្អាតៗដែលពោរពេញទៅដោយផាសុកភាពផងដែរ។ ជាពិសេសនោះគឺ កន្លែងស្នាក់នៅដែលមានការរចនាប្លែកៗ ជឿជាក់ថាបងប្អូនប្រិយមិត្តមួយចំនួនបានឃើញហើយ នឹងចាប់អារម្មណ៍ភ្លាមតែម្ដង។ អញ្ចឹងតោះ! ទៅមើលទាំងអស់គ្នាតិចមើល៍!

១. Cozy Theme Pension

សម្រាប់អ្នកដែលចូលចិត្តញ៉ាំស្រាស៊ូជូ ដឹងតែពេញចិត្តស្ដូកហ្មង!ព្រោះលោកអ្នកអាចជ្រើសរើសយកបន្ទប់គេង ដែលមានដបស្រាដ៏ធំ ហើយថែមទាំងអាចគេងនៅក្នុងដបស្រានោះផ្ទាល់តែម្តង។ ក្រៅពីបន្ទប់ដបស្រាហើយ សម្រាប់ Cozy Theme Pension ក៏នៅមានបន្ទប់ដែលរចនាក្នុងឡើងរូបរាងប្លែកៗជាច្រើនទៀតផងដែរ។

ក្នុង១យប់តម្លៃ៖ ១២០.០០០វ៉ុន (ប្រហែល ១០៥ដុល្លារ)

ទីតាំងស្ថិតនៅ៖ ខេត្ត Gapyeong

២. Templestay

នៅទីនេះ លោកអ្នកអាចរីករាយជាមួយការស្នាក់ដ៏រីករាយ និងស្ងប់ស្ងាត់ក្នុងព្រះវិហារនៅលើភ្នំបានហើយ ថែមទាំងអាចយល់ដឹងពីរឿងរ៉ាវជាច្រើនដែលទាក់ទងនឹងសាសនារបស់ជនជាតិកូរ៉េទៀតផង

ក្នុង១យប់តម្លៃ៖ ៥០.០០០វ៉ុន (ប្រហែល ៤៥ដុល្លារ)

ទីតាំងស្ថិតនៅ៖ ខេត្ត Golgulsa

៣. Seomjingang Rail Village Pension

លោកអ្នកនឹងអាចទទួលបាននូវចំណីអារម្មណ៍ថ្មីជាមួយនឹងការស្នាក់នៅក្នុងទូររថភ្លើង ដែលមានការរៀបចំយ៉ាងមានសណ្ដាប់ធ្នាប់ និងមានផាសុកភាពដូចជាបន្ទប់គេងមួយយ៉ាងអញ្ចឹងដែរ។ ជាពិសេសនោះលោកក៏អាចគយគន់ទេសភាពដ៏ស្រស់ស្អាតតាមមាត់ទន្លេបានដែរ។

ក្នុង១យប់តម្លៃ៖ ចាប់ពី ៦០.០០០វ៉ុន (ប្រហែល ៥០ដុល្លារ) ដល់ ៣០០.០០០វ៉ុន (ប្រហែល ២៦៥ដុល្លារ) (អាស្រ័យទៅតាមចំនួនមនុស្សដែលស្នាក់នៅ, ប្រភេទថ្ងៃ និងរដូវកាលផងដែរ)

ទីតាំងស្ថិតនៅ៖ ខេត្ត Seomjingang

៤. Sun Cruise Resort and Yacht

ជាធម្មតាកប៉ាល់គឺតែងតែនៅក្នុងសមុទ្រ តែកប៉ាល់ដែលអាចស្នាក់នៅបាននេះបែរជានៅលើភ្នំទៅវិញ។ ស្នាក់នៅទីនេះ លោកអ្នកនឹងរីករាយជាមួយនឹងទេសភាពសមុទ្រដ៏ធំល្វឹងល្វើយពីលើកប៉ាល់នៅលើភ្នំជាប់នឹងមាត់សមុទ្រ។