គន្លឹះសំខាន់ៗ!!មានប្រយោជន៍!! សម្រាប់អ្នកចង់ទៅកម្សាន្តនៅប៉ែកអឺរ៉ុប!!

2018-03-05 12:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រាល់ការធ្វើដំណើរកម្សាន្តទៅតំបន់ឆ្ងាយម្តងៗ ជាពិសេសនៅប៉ែកអឺរ៉ុប មិនថាវាជាលើកទីមួយ ឬក៏លើកទីប៉ុន្មានឡើយ កំហុសឆ្គងតិច ឬច្រើនគឺតែងតែកើតមានជារឿយៗ មិនដែលខាន។ ដើម្បីឲ្យចៀសផុតពីកំហុសឆ្គងដែលបង្កឲ្យខូចបរិយាកាសនៃដំណើរកម្សាន្តរបស់អស់លោកអ្នកនោះ គប្បីយល់ដឹងពីគន្លឹះពិសេសៗមួយចំនួន ដែលអាចជួយឲ្យដំណើរកម្សាន្តរបស់លោកអ្នកកាន់តែរីករាយថែមទៀត។

១. ពិនិត្យមើលតម្រូវការទិដ្ឋាការ៖ គប្បីឆែកមើលជាមុនថាតើតំបន់ដែលអ្នកបម្រុងនឹងទៅកម្សាន្តនោះ តម្រូវឲ្យមានទិដ្ឋាការទេសចរណ៍ឬក៏អត់? ព្រោះថាមានប្រទេសមួយចំនួនគឺតម្រូវឲ្យមានទិដ្ឋាការនេះ បើគ្មានទេគឺគេមិនអនុញ្ញាតឲ្យចូលទៅក្នុងប្រទេសគេឡើយ។

២. ទៅកម្សាន្តឲ្យខុសពីរដូវកាលដែលគេនិយម៖ ការដែលទៅខុសពីរដូវកាលដែលគេនិយម នោះលោកអ្នកអាចនឹងកាត់បន្ថយចំណាយបានយ៉ាងច្រើនទៅតម្លៃនៃការស្នាក់នៅ សំបុត្រយន្តហោះ សំបុត្ររថភ្លើង ជាដើម។ ជាពិសេសអាចជៀសផុតពីដំណើរកម្សាន្តដែលមានមនុស្សច្រើនកុះករ អ៊ូអរជ្រុល។

៣. ធ្វើការកក់ទុកជាមុន៖ ការកក់ទុកជាមុនគឺជាមធ្យោបាយដ៏ល្អបំផុតសម្រាប់ពិសេសនៅរដូវកាលទេសចរណ៍ក្នុងការទទួលបានកន្លែងស្នាក់នៅ និងដំណើរកម្សាន្តដ៏រីករាយ។

៤. យកស្បែកជើងណាដែលងាយស្រួលពាក់ដើរ៖ ដំណើរកម្សាន្ត ភាគច្រើនគឺត្រូវធ្វើដំណើរដោយថ្មើរជើង បើអ្នកពាក់ស្បែកជើងដែលទន់ ងាយស្រួលដើរមិនឈឺជើងនោះកាន់តែប្រសើរ។

៥. ស្នាក់នៅកន្លែងតែមួយឲ្យបានយូរ៖ ចំណេញលុយ! ថែមទាំងអាចស្វែងយល់ពីតំបន់នោះកាន់តែច្បាស់ថែមទៀត។

៦. មិនត្រូវពឹងផ្អែកទៅលើ Credit Cards ពេកទេ៖ នៅតំបន់មួយចំនួននៅអឺរ៉ុប គឺប្រើលុយសុទ្ធ មិនប្រើ Credit Cards ឡើយ។ លោកអ្នកគប្បីដូរលុយសុទ្ធមួយចំនួនយកទៅតាមខ្លួន ក៏ល្អម្យ៉ាងដែរ។