អាងហែលទឹក៥កន្លែងនេះ! បើបានឃើញហើយដឹងតែចង់ហែលទឹកហ្មង!
- 2018-04-24 11:00:00
- ចំនួនមតិ 0 | ចំនួនចែករំលែក 0
អាងហែលទឹក៥កន្លែងនេះ! បើបានឃើញហើយដឹងតែចង់ហែលទឹកហ្មង!
ចន្លោះមិនឃើញ
ការហែលទឹក គឺជាលំហាត់ប្រាណមួយប្រភេទដែលជួយឲ្យយើងមានសុភាពល្អ ព្រមទាំងមានរូបរាងកាយ មាំមួន សមសួន ស្អាតថែមទៀតផង។ ឆ្លៀតក្នុងឱកាសនេះផងដែរ ពីសប្បាយដើរសូមណែនាំនូវកន្លែងហែលទឹកស្អាតៗ បរិយាកាសក៏ល្អចំនួន៥កន្លែងដែលស្ថិតនៅក្នុងក្រុងភ្នំពេញយើងនេះឯង ជូនដល់អ្នកដែលចូលចិត្តការហែលទឹកលេង រាល់ពេលទំនេរ សម្រាកពីការងារ ឬការសិក្សាជាដើម។
១. Patio Hotel
អាងហែលទឹកនៅសណ្ឋាគារ Patio គឺស្ថិតនៅជាន់ទី៧ (លើជាន់ដំបូលផុត) នៃសណ្ឋាគារមួយនេះ។ លោកអ្នកអាចហែលទឹកលេងបានហើយ ក៏អាចគយគន់ទេសភាពស្រស់ស្អាតនៃទីក្រុងភ្នំពេញបានថែមទៀតផង។
អាសយដ្ឋាន៖ ផ្ទះលេខ ១៣៤ហ្សឹត, ផ្លូវលេខ ៥១ (ប៉ាស្ទ័រ), សង្កាត់ បឹងកេងកង១
សម្រាប់ព័ត៌មានលម្អិត៖ Patio Hotel
២. Aquarius Hotel and Urban Resort
អាងហែលទឹកដែលស្ថិតនៅលើជាន់ដំបូលដ៏ខ្ពស់នៃសណ្ឋាគារ «Aquarius Hotel and Urban Resort» ហ៊ុំព័ទ្ធទៅដោយកញ្ចក់ជុំវិញ និងមានរាងជាអក្សរ «L» បានឃើញហើយ ទោះបីជាអត់ចេះហែលទឹកក៏ចង់ហែលក្នុងអាងដ៏ប្រណិតមួយនេះដែរ។ ជាងនេះទៅទៀតគឺថាទេសភាពស្រស់ថ្លាត្រជាក់ភ្នែកតែម្តង។
អាសយដ្ឋាន៖ ផ្ទះលេខ ៥, ផ្លូវលេខ ២៤០, សង្កាត់ ចតុមុខ, ខណ្ឌ ដូនពេញ
សម្រាប់ព័ត៌មានលម្អិត៖ Aquarius Hotel and Urban Resort
៣. Plantation
សណ្ឋាគារ «Plantation» មានអាងហែលទឹកដ៏ធំស្ថិតនៅជាប់នឹងដីផ្ទាល់តែម្តង នៅជុំវិញអាងមានលម្អទៅដោយដើមដូងជាច្រើនដើម និងដើមរុក្ខជាតិផ្សេងៗទៀតផងដែរ។
អាសយដ្ឋាន៖ ផ្ទះលេខ ២៨, ផ្លូវលេខ ១៨៤, ភ្នំពេញ
សម្រាប់ព័ត៌មានលម្អិត៖ Plantation
៤. Blue Lime
ក្នុងសណ្ឋាគារ «Blue Lime» មានអាងហែលទឹកដ៏ធំស្ថិតនៅជាប់នឹងដី ចំហៀងសណ្ឋាគារ នៅជុំវិញអាងមានដាំដើមឈើជាច្រើនដើម ដែលអាចជួយធ្វើជាម្លប់ដល់អាងទឹកបានទៀតផង។
អាសយដ្ឋាន៖ ផ្ទះលេខ ៤២, ផ្លូវលេខ ១៩ហ្សឹត
សម្រាប់ព័ត៌មានលម្អិត៖ Blue Lime
៥. Villa Langka
នៅសណ្ឋាគារមួយនេះមានអាងហែលទឹកទំហំតូចល្មមសម្រាប់ទទួលភ្ញៀវទាំងឡាយមកហែលទឹកលេងកម្សាន្តបានយ៉ាងរីករាយ។
អាសយដ្ឋាន៖ផ្ទះលេខ ១៤, ផ្លូវលេខ ២៨២, ភ្នំពេញ សម្រាប់ព័ត៌មានលម្អិត៖ Villa Langka
ប្រភព៖ theculturetrip ប្រែសម្រួល៖ Khou Sophy